長隆森林溫泉樂園 | 大家相當期待嘅清遠長隆森林溫泉樂園終於都開幕啦～呢度更有成41個溫泉池，等大家可以邊浸住溫泉睇鸚鵡、象龜以及細尾獴等。即刻入內文睇地址啦！
圖片來源：官方圖片 | 撰文：Hedy
繼清遠長隆度假區喺今年開放長隆森林王國及長隆長頸鹿城堡酒店後，長隆森林溫泉樂園亦現已開幕，以動物加溫泉做特色，為國內唯一複合型「森林奇遇」主題溫泉樂園，佔地2萬平方米！邊浸溫泉邊欣賞細尾獴、象龜、水豚、金剛鸚鵡、大嘴鳥以及貓頭鷹等6種動物，超特別嘅體驗！
長隆森林溫泉樂園 | 41個主題溫泉池
呢度有成41個主題溫泉池畀大家選擇，無論係雨林祕境到幻境科技池都應有盡有，有室內以及室外溫泉選擇～溫泉水引自地下2,300公尺天然岩層，富含多種對人體有益嘅礦物質，水質溫潤滋養，可以有效舒緩疲勞，幫大家放鬆身心！
長隆森林溫泉樂園 | 動物主題溫泉
喺大家浸溫泉嘅同時，仲可以欣賞水豚「卡皮巴拉」桔子浴、親手投餵細尾獴、幫象龜刷刷背以及近距離觀賞細尾獴，完美咁將動物加溫泉深度融合～
長隆森林溫泉樂園 | 4D幻影泡池
長隆森林溫泉樂園打造出4D幻影泡池，以先進VP（VR Projector ）顯示技術為核心，將環幕投影系統與溫泉設施深度融合，打造全沉浸式感官體驗空間。當遊客浸入溫泉水中，高精度影像即時投射於湯池週邊，生動還原非洲草原動物遷徙嘅自然奇觀，例如係斑馬群奔騰嘅蹄影掠過水面，配合模擬電閃雷鳴嘅環境音效及水霧噴淋系統，等大家都可以喺視覺、聽覺以及觸覺中享受立體場景。
長隆森林溫泉樂園 | 戲水設施
專為家庭打造嘅「奇趣水寨」同「童夢島」，將溫泉與戲水設施巧妙融合。色彩繽紛嘅螺旋滑梯以及巨型淋水桶營造趣味玩水空間，絕對可以令小朋友大玩特玩～玩到肚餓仲可以去園區嘅泉畔餐吧，享受東南亞特色美食！
【INFO】 《長隆森林溫泉樂園》 營業時間：10:00至22:00 地址：清遠市清城區長隆大道1號 價錢：兒童及長者¥88、學生¥108、成人¥138、 購買門票：請按此
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
