迪士尼嘅粉絲們有福喇！迪士尼遊輪全新系列「願望號」（Disney Wish）將於2022年6月啟航，船上打造成不一樣嘅城堡，結合多套迪士尼電影做主題，當中包括《冰雪奇緣》、《阿拉丁》、《白雪公主》、《美女與野獸》等。船上仲有多個特色景點，一齊睇下呢艘豪華郵輪有幾特別啦！
圖片來源：Disney ｜撰文：Sharon
相隔十年 再次打造全新郵輪
「願望號」總長341.13米、重144000噸，最多可以容納4000名乘客。隔咗10年再打造新嘅郵輪，今次以願望成真為主題，寓意「勇於探索世界，體驗世界的美好願望」，「願望號」亦成為迪士尼最大嘅郵輪！迪士尼以往嘅郵輪都係以男性角色作為船長，但今次就唔同，「願望號」Disney Wish會由女性角色米妮擔任，並以長髮公主作為吉祥物，表達對女性嘅尊重同支持。郵輪總共有15層，每層有唔同嘅遊樂設施，仲含多個電影元素，跟住小編睇吓有咩設施好玩喇！
1. 公主主題套房
願望號每個套房都以公主為主題，包括白雪公主、長髮公主、灰姑娘、貝兒等，其中睡公主套房最豪華！總共有兩層，除咗彩繪玻璃同旋轉樓梯、仲有一個全海景落大地玻璃，入住呢間房瞬間變咗公主一樣啊！
2. AquaMouse 米奇水上樂園
迪士尼打造首座「迪士尼海上樂園」AquaMouse，以米奇、米妮為主角，滑水道長逾760呎，唔單止可以向下滑，仲可以好似過山車咁上下來回滑行！滑水道內亦設有燈光特效同米奇影片，夠晒刺激啊！此外，船上亦有其他水上設施畀大家玩，包括泳池、噴泉同小瀑布等。
3. 特色主題餐廳
遊輪上有4個主題餐廳，包括美女與野獸、Marvel、華特迪士尼1932同冰雪奇緣。其中喺冰雪奇緣主題餐廳仲可以聽到Elsa同Anna表演添，唔知道可唔可以聽到Let It Go呢？
4. 戲院
有《阿拉丁》音樂劇、仲有兩套原創新作品，鍾意睇歌舞劇嘅朋友一定唔可以錯過！
5. 兒童設施
小朋友唔需要擔心遊輪冇野好玩，因為迪士尼共設計咗3款遊戲設施畀大家玩，分別係迪士尼幻想工程實驗室、畫廊同Mravel英雄學院。「Mravel英雄學院」比3至12歲小朋友參加，可以同蜘蛛俠、黑豹等角色一齊訓練同組隊，進行激烈戰鬥！
小朋友可以喺「迪士尼幻想工程實驗室」發揮創意同想像力，打造獨一無二嘅迪士尼景點。
睇咗咁多遊輪上嘅設施，小編已經好想試吓坐迪士尼願望號郵輪嚟一轉旅行喇！
【 INFO】
啟航日期︰2022年6月9日
售價︰5,769美元（約港幣$44850）
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
