唔少人去日本旅行都會賞花，而春天正正係賞櫻嘅季節，每年都吸引好多旅客專程嚟日本睇櫻花！日本河津櫻係東京近郊最早盛放嘅櫻花，比起其他櫻花喺2月就會滿開，今年河津櫻花祭會喺2月1日至29日期間舉行，8,000棵櫻花樹盛開，非常壯觀！嚟緊會去日本旅行嘅朋友記得要去喇～
圖片來源：kkday、Facebook@河津町觀光協會｜撰文：Sharon
「河津櫻」係大島櫻同寒緋櫻自然交雜品種，相比其他櫻花，河津櫻開花時間約早一個月，大約2月頭至3月頭就會盛放，賞花期約為一個月。河津櫻花比一般櫻花偏淺粉紅，而且花蕊較大。
今年河津櫻花祭踏入第35屆，由2月1日至28日舉行，多達8,000棵櫻花樹盛開，包括河津櫻原木及長4米櫻花大道的約850棵櫻花等。另外，夜晚6點至8點更會有點燈儀式，大家可以喺夜晚欣賞不一樣嘅景色！沿路更有唔少小食攤販、手信及當地水果售賣，非常熱鬧！
河津櫻賞花推薦景點有「河津櫻原木」，河津櫻原木位於「飯田家」庭院內，可以見到一大棵巨型櫻花樹！至於「河津櫻並木道」同樣種滿河津櫻，夜晚仲有夜櫻點燈活動添！想喺日本感受濃厚嘅祭典氣氛，就要把握花期快啲嚟日本啦！
【INFO】 《第35屆河津櫻花祭》 地址：日本靜岡縣河津町 日期：2月1日至28日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
