經典漫畫《老夫子》相信陪伴住唔少香港人成長，最近小編發現澳門新濠影滙居然有老夫子60周年展覽！場內除咗主題展覽，仲有互動拍照裝置、主題快閃店及主題餐飲，一齊走進老夫子嘅漫畫世界啦！
圖片來源：官方圖片｜撰文：Sharon
澳門新濠影滙由即日起至4月12日隆重呈獻「漫妙濠時光：老夫子60周年奇想之旅」澳門特展，今次特展包括主題展覽、互動拍照裝置、主題快閃店及主題餐飲。
喺「時光手稿珍藏館」，將帶領大家回到最初嘅創作現場，展出創刊前嘅原型手稿、早期創作工具等珍貴展品，瞭解老夫子由構思雛形到形象定稿嘅創作歷程。另外，仲有老夫子報紙亭、老夫子冰室經典場景，漫畫中嘅經典四格漫畫，打造成沉浸式互動嘅真實場景，打卡一流！
現場更設有「穿越老夫子」互動打卡體驗，大家可以選擇唔同角色造型及場景拍照留念，親身成為漫畫世界嘅一部分。當然唔少得「漫妙合拍321」互動拍照裝置，，齊齊化身漫畫主角，即場生成專屬嘅四格漫畫紀念照！
至於「妙想天開雜貨舖」 主題快閃店將會同步登場，仲有一系列以老夫子漫畫元素嘅美食，有興趣嘅朋友一定唔可以錯過！
【INFO】 《老夫子60周年奇想之旅特展》 地點：澳門新濠影滙 日期：即日起至4月12日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
