環島之星萌旅號 | 台灣觀光列車Sanrio主題！免費唱K+360度旋轉豪華座椅！即睇購票詳情！

環島之星萌旅號 | 鍾意Sanrio嘅朋友去台灣都可以搭吓呢架環島之星萌旅號 ！臺鐵觀光列車「環島之星」係唯一繞行全台嘅特色列車，今年更搵嚟Sanrio與台灣元素結合，打造出超可愛嘅鐵道環島之旅！

圖片來源：官方圖片 | 撰文：Hedy

環島之星列車係專為環島設計嘅鐵道遊程，而今次「環島之星萌旅號列車」由易遊網攜手全球人氣Sanrio家族打造超夢幻車廂，當中將會加入萌力四射嘅My Melody、Kuromi、CINNAMOROLL、布甸狗、水怪以及蛋黃哥，6大可愛角色將會帶領大家一齊繞行台灣，欣賞壯麗嘅山海風光，感受寶島獨特嘅自然同人文魅力。「「環島之星萌旅號列車」提供2班車次，第一車次為西部幹線列車（逆行），起點與終點都是台北，將會途經花蓮、台中、台南、台東等地，車程歷時13小時。第二車次為東部幹線列車 （順行），與西部幹線列車（逆行）嘅路線相反。全程將會停靠22個站！當中仲有4大主題商務車廂、Sanrio主題自拍機、卡拉OK車廂以及吧檯車廂等，即刻睇吓有咩玩啦～

環島之星萌旅號 | 4大主題商務車廂

商務車廂總共有4款唔同主題嘅彩繪設計，當中包括My Melody、Kuromi、布甸狗以及CINNAMOROLL，配搭埋唔同嘅台灣元素，等大家乘搭嘅時候都有驚喜！商務車廂配備可360度旋轉嘅豪華座椅，整體空間寬敞舒適，啱晒大家打卡～

環島之星萌旅號 | 卡拉OK車廂

喺旅程嘅途中，仲有卡拉OK活動車廂，等大家都可以喺度唱K!仲有埋6位Sanrio朋友陪你一齊享受高歌嘅時刻～而且每個月仲會更新唔同嘅中、英、日流行金曲歌曲與經典老歌，等大家盡情歡唱！

環島之星萌旅號 | 自拍貼紙機+扭蛋！

難得坐上Sanrio主題嘅「環島之星萌旅號列車」，自然要同朋友影相打卡啦，咁就一定要去自拍貼紙機到影相！三種主題任你選擇，包括My Melody x Kuromi、CINNAMOROLL x 布甸狗、水怪x蛋黃哥，影出最可愛嘅三格照！仲有全新登場嘅萌旅扭蛋機，隨時扭出唔同可愛嘅Sanrio角色！

環島之星萌旅號 | 主題餐飲+周邊商品

無論係早餐、午餐定係晚餐定係飲品都有Sanrio主題包裝，帶大家品嚐嘉義嘅郭家火雞肉飯、花蓮嘅阿美族竹筒九宮格餐盒等等縣市特色料理。鍾意Sanrio嘅粉絲仲可以入手嘅周邊商品，包括明信片、File、貼紙以及原子筆等等！

+1

【INFO】
「環島之星萌旅號列車」
價錢：港幣$131起
立即購買：https://bit.ly/40LsJya

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk