難得放假又想近近地出去玩？小編有好介紹！位於珠海有一個600萬呎超越越野車基地同水岸鷺園生態島，畀大家玩盡海陸空！即睇內文了解更多！
圖片來源：官方圖片｜撰文：Sharon
位於珠海嘅「超越越野車基地」以 600 萬呎空間打造大灣區「全齡向」戶外競技樂園，5歲起已經可以玩越野車，真係大人定細路都啱玩！從港珠澳大橋口岸出發，轉乘的士需大約 15 分鐘即可抵達，交通非常方便！場內集專業 4×4 越野四驅車、休閒 ATV 環島遊、親子協作駕駛及 CS 水槍對戰於一身 。仲有順德私房菜、水果採摘、露營、BBQ嘅一站式週末渡假勝地，完美滿足情侶打卡、親子放電及朋友聚會嘅每一位！
食玩歎全攻略：四大必玩亮點
1.極限快感：基地擁有由越野車製造商打造嘅10 公里專業級賽道。硬派越野 (需持有駕駛執照)： 持有香港或內地駕駛執照的朋友，可駕駛 4×4四驅車挑戰10公里崎嶇路段，包括炮彈坑、連續駝峰、深坑涉水等崎嶇地形 。環島競速 (無需駕駛執照)：無需駕駛執照即可體驗油動或電動 ATV/UTV越野車。
2. 識食推介：地道農家菜 + 島上 BBQ ！場內嘅餐廳提供地道農家菜圍餐，仲有BBQ燒烤或體驗露營樂趣。
3. 治癒系生態遊：摘時令水果 x 觀賞鷺鳥 x 萌寵互動！四季果園按季節提供唔同嘅水果，包括龍眼、青棗、西瓜、哈密瓜、木瓜及聖女果等。果園不設最低消費，按重量實秤實收。12月士多啤梨當造期，12月至2 月月將有車厘茄。至於生態觀賞方面，遊客可觀賞百鳥歸巢嘅壯觀景象；場內亦有放養嘅家禽，包括雞、鴨、鵝、牛、羊等。
4. 團建聚會首選！野外CS 槍戰！場內設有大型團建場地及 CS 水彈槍對戰區域，啱晒一大班Friend玩分組對抗！
【INFO】 《超越越野車基地》 越野車場營業時間： 09:00 - 18:00 地址： 廣東省珠海市南屏鎮珠海大道水岸鷺園生態島
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
