深圳酒店 | 依家上深圳咁方便，好多人都會趁假日去深圳嚟個小旅行。深圳有唔少設計感十足嘅打卡酒店，無論海景、森林、歐洲小鎮定現代風格都應有盡有。小編精選10間深圳打卡酒店，食住套票最抵只需人均$300，即睇以下推介啦！
圖片來源：Klook | 撰文：Icy
深圳酒店推薦 | 1. 深圳藍白聖島懸崖泡池美宿
位於龍崗區嘅「深圳藍白聖島懸崖泡池美宿」，以希臘地中海風格為設計靈感，藍白配色嘅建築非常清新亮眼，面向無敵海景。酒店共有33間客房，當中設有泡池或半露天泳池嘅房型最受歡迎，可以一邊浸浴一邊欣賞日落美景。海景套房連早餐及20分鐘旅拍服務，人均只需約$437！
【INFO】 深圳藍白聖島懸崖泡池美宿 地址：深圳龍崗區南澳街道海濱南路33號D2棟 價錢：海景套房連早餐及20分鐘旅拍服務，人均約$437 預約網站：https://bit.ly/46aofDU
深圳酒店推薦 | 2. 深圳托斯卡納海景度假美宿
同樣位於龍崗區嘅「深圳托斯卡納海景度假美宿」，將火山石、實木等天然材質融入建築，配上米白色的外牆、拱形窗台及法式花園，營造歐式古典風格。部分房型設有泡池或陽台，可以遠眺無敵海景。套房包早餐及旅拍服務，人均大約$487左右，性價比極高！
【INFO】 深圳托斯卡納海景度假美宿 地址：深圳龍崗區南澳街道海濱南路33號B3棟 價錢：海景套房連早餐及20分鐘旅拍服務，人均約$487 預約網站：https://bitly.cx/KkeX7
深圳酒店推薦 | 3. 深圳登喜路國際大酒店
位於寶安區嘅「深圳登喜路國際大酒店」鄰近地鐵站，交通十分便利。裝潢走歐式氣派風格，提供約333間客房，空間寬敞舒適，部分高層房型更可俯瞰城市夜景。酒店設施包括健身房、室外游泳池、空中花園、SPA養身會館，以及多間中西餐廳。雙人套房連早餐，人均約$300，性價比唔錯！
【INFO】 深圳登喜路國際大酒店 地址：深圳寶安區寶田一路12號 價錢：雙人套房連早餐，人均約$300 預約網站：https://bit.ly/41vXDuy
深圳酒店推薦 | 4. 深圳佳兆業萬豪酒店
位於大鵬新區嘅「深圳佳兆業萬豪酒店」，以米白色及木系為主調，外觀充滿度假氛圍，而且面向迷人大海，可飽覽日落美景。酒店設有游泳池、健身房、養生會館、兒童遊樂區等等，並提供自助餐。套房連早餐，人均約$480，非常適合一家大小放鬆度假。
【INFO】 深圳佳兆業萬豪酒店 地址：深圳大鵬新區棕櫚大道33號 價錢：套房連早餐，人均約$480 預約網站：https://bit.ly/41w2hZn
深圳酒店推薦 | 5. 深圳天麓秘野仙踪美宿
位於鹽田區嘅「深圳天麓秘野仙踪美宿」置身於山林之中，建築採用大量木材，充滿大自然氣息。酒店共設十幾間獨立小屋，部分房型設有泡池，可以一邊浸浴一邊睇星星～泡池小屋連早餐及半山森林餐廳烤肉套餐，人均只需約$522！
【INFO】 深圳天麓秘野仙踪美宿 地址：深圳鹽田區東部華僑城天麓8區2號崗24棟 價錢：泡池小屋連早餐及半山森林餐廳烤肉套餐，人均約$522 預約網站：https://bit.ly/45CUjQK
深圳酒店推薦 | 6. 深圳華僑城洲際大酒店
位於南山區嘅「深圳華僑城洲際大酒店」，裝潢豪華雅緻，設有綠意盎然嘅加勒比海式花園、真沙沙灘及水上樂園。酒店內有水療中心、小童俱樂部、健身房及多間高級餐廳。豪華客房連早餐，人均約$705，無論度假或商務都啱住！
【INFO】 深圳華僑城洲際大酒店 地址：深圳南山區華僑城深南大道9009號 價錢：豪華客房連早餐，人均約$705 預約網站：https://bit.ly/4mFBx1a
深圳酒店推薦 | 7. 深圳硬石酒店
位於龍華區嘅「深圳硬石酒店」，裝潢融合搖滾音樂及摩登中國元素，外觀時尚獨特，並設有igable嘅大泳池。而酒店最特別就係展出超過160件，來自全球知名音樂人嘅音樂收藏品，啱晒鍾意音樂嘅朋友打卡。備有超大圓形浴缸嘅豪華套房連早餐，人均只需約$601～
【INFO】 深圳硬石酒店 地址：深圳龍華區觀瀾高爾夫大道9號 價錢：豪華套房連早餐（設有超大圓形浴缸），人均約$601 預約網站：https://bit.ly/4oWTVEb
深圳酒店推薦 | 8. 深圳美高梅酒店
位於鹽田區嘅「深圳美高梅酒店」，外觀充滿拉斯維加斯嘅奢華格調，大部分客房都可以觀賞沙灘及海景。酒店設有無邊際泳池、兒童俱樂部、多間特色餐廳及酒吧，適合一家大小或情侶出遊。海景套房連早餐，人均約$929，價錢唔算超抵但勝在酒店評分高～
【INFO】 深圳美高梅酒店 地址：深圳鹽田區鹽梅路33號 價錢：海景套房連早餐，人均約$929 預約網站：https://bit.ly/3JEHDjG
深圳酒店推薦 | 9. 深圳福田口岸希爾頓歡朋酒店
位於福田口岸附近嘅「深圳福田口岸希爾頓歡朋酒店」，交通便利，好受跨境旅客歡迎。酒店設有咖啡室、健身室，仲有歡朋餐廳，提供多國美食。而部分套房可俯瞰城市夜景，於房間內輕鬆打卡～套房連早餐，人均只需約$365，好適合一家大小假日嚟個小旅行。
【INFO】 深圳福田口岸希爾頓歡朋酒店 地址：深圳福田區裕亨路38號 價錢：套房連早餐，人均約$365 預約網站：https://bit.ly/45I5qIg
深圳酒店推薦 | 10. 深圳香格里拉大酒店
位於羅湖區嘅「深圳香格里拉大酒店」，鄰近萬象城、京基100、金光華商場、東門老街等旅遊景點，出行購物好方便。酒店樓高33層，裝潢充滿中式典雅氣派，部分高層房型更可俯瞰城市景色。特大套房連早餐，人均只需約$514。
【INFO】 深圳香格里拉大酒店 地址：深圳羅湖區建設路1002號 價錢：特大套房連早餐，人均約$514 預約網站：https://bit.ly/4g7De56
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
