梅窩美食 | 天氣回暖，又係時候到戶外走走，好多人都會趁假期到離島嚟個小旅遊，感受香港小島嘅自然風光人情。今次小編就為大家推介梅窩7大景點餐廳，唔單止有打卡靚cafe、港式茶餐廳美食，仲有大自然奇觀，下次去梅窩一日遊就可以作參考喇！

圖片來源：新渡輪官方網站、Instagram @muiwolaundryco、Instagram @villagebakerylantau、Openrice @CandyNg2909、Openrice @麵包超人、Openrice @fudys88、Openrice @Jasmine1cm、Openrice @Rebecca Chung、Openrice @奧志雷、民政事務總署、香港旅遊發展局 | 撰文：Icy

梅窩船期及收費

大家可乘搭新渡輪前往梅窩，航線設有普通渡輪及高速船。航班座位以先到先得嘅形式分配，如果航班滿座，就要等候下一班航班，所以大家記得預早少少去到碼頭啊！

航行時間：
普通渡輪 – 約50至55分鐘
高速船 – 約35至40分鐘

（圖片來源：新渡輪官方網站）

梅窩好去處 | 1. 梅窩洗衣公司

就咁聽個名，大家可能以為梅窩洗衣公司只係一間普通洗衣店，其實小店融合自助洗衣、打卡以及咖啡元素，旨在讓更多人認識梅窩呢個地方。店內無論牆身定洗衣機，都以綠白兩色為主調，地面鋪上格仔地磚，加上通花鐵閘，充滿港式復古風格。

店面以綠白兩色為主調，充滿港式復古風格（圖片來源：Instagram @muiwolaundryco）

店內設置咖啡自動售賣機，大家可以坐喺木製桌椅上休息片刻，一邊歎香濃咖啡，一邊細聽店主挑選嘅音樂，享受悠閒時光。門口位置仲擺放咗自家設計紀念品，例如服裝、洗衣袋、環保袋等等，極具文青氣息！

大家可以坐係店內嘆咖啡，休息片刻（圖片來源：Instagram @muiwolaundryco）
門口位置售賣自家設計紀念品（圖片來源：Instagram @muiwolaundryco）
洗衣袋設計別具文青氣息（圖片來源：Instagram @muiwolaundryco）
大家可以坐係店內嘆咖啡，休息片刻（圖片來源：Instagram @muiwolaundryco）
客人可於店內品嚐香濃咖啡（圖片來源：Instagram @muiwolaundryco）

【INFO】
梅窩洗衣公司
地址：梅窩鄉事委員會路17號A地下
營業時間：07:00-23:00

梅窩好去處 | 2. Village Bakery

Village Bakery於梅窩開店逾10年，係島上極受街坊及遊客歡迎嘅手工麵包店。小店主打每日自家烘製嘅無添加麵包、甜點及咖啡，款式五花八門，例如有牛角包、蝴蝶酥、酸種麵包、芝士蛋糕、仲有最熱賣嘅牛角酥皮蛋撻，口感香甜嫩滑，非常鬆脆。

客人可以於小店提供嘅位置，享用新鮮糕餅（圖片來源：Instagram @villagebakerylantau）
小店主打每日自家烘製嘅無添加麵包、甜點及咖啡（圖片來源：Openrice @CandyNg2909）
牛角酥皮蛋撻（圖片來源：Openrice @麵包超人）
小店主打每日自家烘製嘅無添加麵包、甜點及咖啡（圖片來源：Instagram @villagebakerylantau）

小店裝潢充滿英式古典感覺，設置少量座位同書本，讓客人坐低細閱書本，慢慢享用新鮮好味嘅糕餅，感受小島慢活生活。

小店裝潢充滿英式古典感覺（圖片來源：Openrice @CandyNg2909）
【INFO】
Village Bakery
地址：大嶼山梅窩碼頭路16號福安閣地下2號鋪
營業時間：星期一至六 07:00-19:00/星期日 08:00-19:00

梅窩好去處 | 3. The Hideout

The Hideout係梅窩島內一間湖景cafe，以竹枝欄柵劃分唔同區域，加上奶油黃色貨櫃取餐位及木製座位，充滿岩里異國風情，讓客人遠離煩囂，享受大自然環境。

奶油黃色貨櫃取餐位（圖片來源：Openrice @fudys88）
木製座位（圖片來源：Openrice @fudys88）

Cafe主打各款輕食及手沖咖啡，例如吐司、薄餅、三文治、蛋糕、沙律等等，雖然款式唔算多，但每款嘅賣相都非常精緻igable～

每款輕食嘅賣相都非常精緻igable（圖片來源：Openrice @fudys88）
湖景充滿異國風情，讓客人享受大自然環境（圖片來源：Openrice @fudys88）

【INFO】
The Hideout
地址：大嶼山梅窩銀礦灣路
營業時間：星期一至六 07:00-19:00/星期日 08:00-19:00

梅窩好去處 | 4. 麥生記冰室

如果想品嚐港式三層塔下午茶，就一定要去麥生記冰室！呢間70年老字號可以話係追得上潮流，推出極具創意嘅港女三層塔下午茶，盛惠$156，可供3人品嚐。

極具創意嘅港女三層塔下午茶（圖片來源：Openrice @Jasmine1cm）

三層塔加入香港地道美食元素，例如炸蝦餅、咖喱角、薯條、公司三文治、春卷等熱食，頂層則放有芒果布甸、大菜糕、啫喱等特色甜品，又飽肚又夠趣味！

公司三文治（圖片來源：Openrice @Jasmine1cm）
炸蝦餅、咖喱角、薯條、春卷（圖片來源：Openrice @Jasmine1cm）
芒果布甸、大菜糕、啫喱（圖片來源：Openrice @Jasmine1cm）

【INFO】
麥生記冰室
地址：大嶼山梅窩涌口街38F號地舖
營業時間：星期一至日 06:30-16:00（星期三休息）

梅窩好去處 | 5. 羅馬餐廳

雖然羅馬餐廳呢個名聽落以為係一間西餐廳，其實係開店多年嘅地道港式茶餐廳，主打價廉物美嘅港式茶餐同鑊氣小炒，深受街坊及遊客支持。

各款鑊氣小炒（圖片來源：Openrice @Rebecca Chung）
各款鑊氣小炒（圖片來源：Openrice @Rebecca Chung）
各款鑊氣小炒（圖片來源：Openrice @Rebecca Chung）
各款鑊氣小炒（圖片來源：Openrice @Rebecca Chung）

當中鐵板餐性價比好高，各款脆皮厚切雜扒配以經典黑椒汁、蒜蓉汁等，肉汁澎湃又惹味，所以好多人都會去羅馬餐廳鋸扒～

脆皮厚切雞扒簡直大過塊面！（圖片來源：Openrice @奧志雷）
【INFO】
羅馬餐廳
地址：香港大嶼山梅窩碼頭路11號Shop A G/F銀輝大廈
營業時間：星期一至日 08:00-21:00

梅窩好去處 | 6. 銀礦灣瀑布

吃飽喝足之後，就最適合散散步，欣賞島上自然奇觀。由碼頭步行出發至銀礦灣瀑布，需時45分鐘，大家亦可於碼頭附近租用單車，沿路跟住指示牌方向，就會到達離島自然歷史徑。雖然銀礦灣瀑布氣勢唔算十分磅薄，但環境舒適幽靜，仲設有一座中式涼亭，供遊人休憩。

雖然銀礦灣瀑布唔算大，但聽住潺潺流水聲，令人心情舒暢（圖片來源：民政事務總署）

銀礦灣瀑布入口（圖片來源：民政事務總署）
附近設有一座中式涼亭，供遊人休憩。（圖片來源：民政事務總署）

【INFO】
銀礦灣瀑布
前往方法：由碼頭步行出發至銀礦灣瀑布，需時45分鐘，沿路跟住指示牌方向，就會到達離島自然歷史徑
營業時間：24小時

梅窩好去處 | 7. 銀礦灣沙灘

離開梅窩前當然唔少得去銀礦灣沙灘，欣賞迷人嘅日落景色啦！銀礦灣沙灘面積寬闊，水清沙幼，燦爛嘅夕陽映照係海面上特別耀眼。大家可以沿著海邊一邊散步，一邊吹吹海風，暫時忘卻煩惱～

銀礦灣沙灘係梅窩一大地標，海水清澈，吸引唔少人前來玩樂（圖片來源：香港旅遊發展局）
【INFO】
銀礦灣沙灘
地址：香港梅窩東灣頭路1號
營業時間：24小時
——————————————————

Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk