哈利波特注意！電影《哈利波特：火盃的考驗》上映20週年，東京哈利波特影城特意推出20周年展覽！即睇內文了解詳情！
圖片來源：官方圖片｜撰文：Sharon
電影《哈利波特：火盃的考驗》上映20週年，由即日起至9月8日，東京哈利波特影城推出「火盃的考驗」展覽，除咗重現電影嘅經典場景，仲會首次公開原版服裝！當然唔少得一系列主題美食同精品！
展覽重點1：重現經典場景
進入霍格華茲大禮堂，會見到《火盃的考驗》嘅「火盃」，入面嘅火焰會隨場景需轉變，由藍色變成紅色，仲會噴出選手名字嘅紙條，神還原電影中嘅一幕！另外，仲有三巫鬥法大賽嘅經典場景，包括哈利與匈牙利角尾龍嘅對戰，以及「級長浴室」神秘場景，大家可以置身參與其中！
展覽重點2：公開原版服裝
今次展覽更首度公開《火盃的考驗》嘅原版服裝，除咗哈利、榮恩、妙麗嘅經典造型，仲有波巴洞學院與德姆蘭學院選手嘅制服！大家可以近距離欣賞到電影中嘅戲服，非常難得！
展覽重點3：限定主題美食
睇完展覽梗係要試埋限定主題美食啦！包括三巫鬥法大賽下午茶」、 波巴洞魔法學院主題漢堡、美人魚彩繪玻璃蛋糕、薄荷巧克力奶昔同蛋白糖霜餅乾，每一款賣相都好靚，打卡一流！
【INFO】 《東京哈利波特影城 - 火盃的考驗展覽》 地點：練馬區春日町1-1-7 日期：4月18日至9月8日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
