日本麥當勞新玩具登場！日本麥當勞開心樂園餐嘅玩具一向深受歡迎，每一個系列都吸引唔少人入手，今次推出嘅係「小店員」角色玩具非常可愛，將麥當勞嘅設備縮小化，包括有飲品機玩具、麥樂雞餐套餐玩具等，讓大家一嚐當麥當勞「小店員」嘅滋味！玩具一共有8款並分2彈推出，即睇內文了解詳情啦！
圖片來源：官方圖片｜撰文：Sharon
日本麥當勞新推「小店員」角色玩具，於2月28日正式登場，購買開心樂園餐並附送，相信必定會吸引大人同小朋友換購！
首先，第一彈嘅玩具由即日起至3月6日推出，玩具包括飲品機、收銀機、麥樂雞餐套餐玩具同漢堡扒煎台玩具。每一款玩具都可以玩，以「收銀玩具組」為例，按下收銀台頂端嘅Ｍ按鈕，可以變換唔同餐單嘅圖案，呢組玩具有齊信用卡、刷卡機同收銀機，小朋友可以體驗當收銀員，學習收錢嘅過程。
第二彈嘅玩具則由3月7日至3月13日推出，玩具包括漢堡包套餐玩具組、員工帽與耳機麥克風、Drive Through點餐麥克風組同外賣Set，小朋友可以戴上員工帽同耳機麥克風，成為一位麥當勞小店員，為大家點餐，享受角色扮演嘅樂趣！
每一款玩具都非常可愛，去日本嘅朋友千祈唔好錯過喇！唔知遲啲香港麥當勞又會唔會推出呢？
【INFO】 《日本麥當勞 - 「小店員」角色玩具》 地點：日本麥當勞門市 第一彈：即日起至3月6日 第二彈：3月7日至3月13日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
