小魔女DoReMi | 小魔女DoReMi絕對係唔少人童年會睇嘅卡通片！而小魔女DoReMi攜手人氣主題咖啡廳animate cafe打造限定嘅快閃活動，仲有多款限定周邊同場景等大家打卡！即刻入內文睇詳情啦。
圖片來源：官方圖片 | 撰文：Hedy
《小魔女DoReMi》講述春風DoReMi同埋一眾嘅朋友藤原初貴、妹尾愛子、瀨川音符、飛鳥桃子、魔女莉卡以及妹妹春風寶寶成為見習魔女路上發生嘅日常同故事。而今次animate cafe台北北門店就同小魔女DoReMi聯名，打造主題咖啡廳，入面將會販售唔同嘅飲品、甜品同主題商品，消費滿指定金額仲會送你特典杯墊以及透卡一張。
小魔女DoReMi | 主題飲品+餅乾
場內將會有主題飲品、Gratte印刷飲品以及印刷糖霜餅乾！主題飲品根據每位角色嘅顏色所創作，包括有草莓牛奶、柳橙紅茶、藍柑荔枝醋、葡萄果茶、鳳梨檸檬特調以及水蜜桃可爾必思。而Gratte印刷飲品就可以自選唔同角色嘅圖案印刷上去，飲品就可以選擇冰紅茶/冰抹茶歐蕾、冰鮮奶茶、冰可可歐蕾再加任一種配料（椰果/爆爆珠/黑糖珍珠）。仲有每日限量供應嘅印刷糖霜餅乾！以上每款都只係台幣180元/190元，購買飲品或餅乾，仲會送特典杯墊，Fans們必定要去！
小魔女DoReMi | 主題限定周邊
除咗有主題飲品同餅乾之外，大家仲可以現場購買或線上預約限定周邊，包括立牌、貼紙、購物袋以及收納袋等，款款都好可愛～
【INFO】 《小魔女DoReMi × animate cafe 台北北門店》 日期：即日起至2025年10月21日 時間：12:00至20:00 地址：台北市博愛路7號
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
