2025年4月舉行嘅世界博覽會即將喺大阪舉行，最近捷克館嘅建築設計曝光，外型十足似一座水晶宮殿！而最特別係呢座建築結構用木造成，完全冇使用鋼筋搭建，係日本最高無鋼支撐木造建築！想了解更多就要睇內文喇！

圖片來源：Apropos Architects｜撰文：Sharon

大阪世博會捷克館選址大阪灣人工島「夢洲」，以「共創生命更光輝的未來」，結合「拯救生命」、「賦能生命」同「連結生命」三大理念係主題。其中「大阪世博會捷克館」令人矚目，由Apropos Architects設計，以動態玻璃螺旋結構為設計概念，外觀則由絕緣玻璃構成，整座建築物建築外觀猶如一座水晶宮殿，喺陽光閃射下非常閃耀！

大阪世博會捷克館。（圖片來源：Apropos Architects）

展館以透明玻璃為主，主要用預製CLT木板同隔熱玻璃製成，完全冇使用鋼筋，成為日本最高無鋼支撐木造建築！館內嘅螺旋步道提供約402平方米嘅展覽空間，等遊客移動時體驗「理想人生旅程」嘅概念，仲可以通往樓頂嘅觀景露台，飽覽大阪絕美嘅景色！

有30組藝術家到現場演出。（圖片來源：Apropos Architects）
館內嘅螺旋步道提供約402平方米嘅展覽空間。（圖片來源：Apropos Architects）
外觀超震撼！（圖片來源：Apropos Architects）

另外，「捷克館」特設餐廳同酒吧，更有30組藝術家到現場演出，可以欣賞到捷克嘅傳統與現代藝術！嚟緊4月去大阪旅行嘅朋友，千祈唔好錯過啊～

（圖片來源：Apropos Architects）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk