夏天想消暑梗係要玩水啦，位於台灣竹關西鄉嘅「 台灣六福水樂園 」喺7月1號重新開幕，仲推出咗唔少優惠，早鳥優惠送埋消暑雪條都只係TWD399（約HKD100），就可以任玩水樂園內嘅設施。仲有制服季優惠，由即日起至8月31日期間只要穿著校服即可享有門票優惠TWD500（約HKD132）入場，畢咗業都得㗎！園內有唔少刺激嘅主題設施，如海神飛艇、大漩渦、激流勇士、冰凍滑道、碧海藍天等等，睇到都覺得刺激啊！等我為鍾意玩水嘅你推薦必玩嘅設施啦！
圖片來源：官方圖片｜撰文：Claudia
六福水樂園設施超豐富，超過十款水上設施，刺激好玩或者親子同樂都應有盡有，符合唔同遊客的玩樂需求，係夏天絕對唔可以錯過嘅水上樂園！
6大必玩水上設施推薦
1. 海神飛艇
海神飛艇喺全台灣唯一嘅飛天梭立體滑道，係刺激愛好者必玩嘅設施，由15公尺高空急速俯衝而下，迅速滑落，再瞬間衝向天際，帶到好似起飛一般嘅刺激體驗俾你！
2. 大漩渦
呢個喺唔少遊戲節目都出現過嘅「大漩渦」相信大家都唔陌生，不過六福水樂園呢個就更加驚險刺激，喺11公尺高嘅黑暗滑道快速墜落UFO造型嘅大漩渦再高速旋轉，真喺要有定心裡準備先好挑戰。
3. 激流勇士
如果想體驗漂流嘅感覺就唔好錯過啦！呢條河道全長200公尺，急速嘅水流令你感受到加速版嘅河流漂浮，坐喺水泡上面隨波逐流，最適合親子樂！
4. 獨行千里
迂迴曲折嘅滑道可以令你感受到360度天旋地轉嘅失衡感，失重嘅狀態下加迷失方向感就好似係永無止境咁一直迴旋，直到最後瞬間入水。
5. 冰凍滑道
炎炎夏日玩水當然係為咗降溫，呢個冰凍滑道絕對可以幫到你，由滑道「咻」一下跳入6℃冰水入面，瞬間急凍，幫你「冰鎮消暑」！
6. 碧海藍天
講到水上樂園得可以少得玩人造浪，呢個造浪池有成1,000平方公尺大，可以製造到八種唔同嘅海浪出嚟，體驗對抗大海浪嘅刺激感！
六福村主題遊樂園座落於新竹關西，無論係坐大眾運輸工具、巴士、或自行駕駛都十分方便。如果有需要仲可以係官網預約接駁服務，喺高鐵桃園站出發，星期六、日、國定假日免費搭乘！
【INFO】
台灣六福水樂園
地址：306台灣新竹縣關西鎮60號
*水樂園開放時間：每年 6-9 月（實際開放日期，以官網營面公佈為準）
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
