北海道二世古 | 二世古除咗出名滑雪之外，原來一年四季都咁好玩！小編私心推薦大家可以住喺夢幻嘅度假酒店——二世古花園柏悅酒店，享受迷人嘅景色以及最完善嘅配套！二世古花園柏悅酒店坐擁群山美景，除咗滑雪出入超方便之餘，就連夏季以及冬季都有提供一系列戶外體驗，當中小編就精選咗夏日必玩嘅6大活動，當中包括日本目前最長嘅夏日空中飛索、清酒品嚐、騎馬、溫泉以及高爾夫球車之旅，一次過滿足晒你刺激、休閒以及觀光等願望！
圖片來源：官方圖片 | 撰文：Hedy
一提及二世古，大家都可能諗起滑雪，但其實除咗滑雪之外，一年四季都有佢嘅獨特之處！二世古被山脈、河流同湖泊包圍，鍾意親近大自然嘅你，就一定要嚟體驗一系列嘅夏季活動，再住埋喺二世古花園柏悅酒店，簡直係超夢幻嘅度假之旅！小編已經幫大家精心策劃咗6大夏日活動行程，Plan行程之前記得參考吓啦～
二世古行程推薦 | 1. 夏日空中飛索（Hanazono Zipflight）
鍾意刺激嘅你絕對要嚟體驗夏日空中飛索（Hanazono Zipflight），呢個係日本目前最長嘅滑索，長達2,591米！當中最長嘅一條有成1,700米，時速高達110公里，帶畀你驚險又刺激嘅感覺。 活動將會由2025年4月26日開放至10月13日，大家就可以趁夏天將二世谷夏季嘅景色盡收眼底，望住周圍山脈壯麗景色以及羊蹄山美景，所有嘅煩惱都拋諸腦後～體驗夏日空中飛索嘅地方只係距離二世古花園柏悅酒店約5分鐘路程，酒店嘅合作伙伴——二世古花園度假村仲會為你預先安排安全設備，相當貼心。二世古夏天大約為20℃，相對較為涼爽，就算玩戶外活動都唔怕熱，即刻去體驗夏日空中飛索，探索二世古夏日絕美嘅風光景色！
二世古行程推薦 | 2. 騎馬（Horse Riding)
二世古花園度假村為大家提供多元化嘅活動，而小編就推薦大家可以提前向酒店預約騎馬活動。由於活動於羊蹄山山腳下嘅農場舉行，距離酒店車程約20分鐘，所以喺夏季嘅時候就建議大家可提前向酒店預約安排收費接送！就算係初學者都可以輕易上手，在場將會由專業人士教授基本嘅騎馬技巧，仲可以趁機會近距離同馬匹接觸，試吓餵馬以及梳毛等！夏天騎喺馬背上面，以悠閒嘅速度穿梭森林，欣賞連綿起伏嘅田野景色，享受大自然風光明媚嘅一面～
二世古行程推薦 | 3. 清酒品嚐會（Sake Tasting）
嚟到北海道又點可以錯過獨特嘅清酒體驗呢！酒店可安排清酒品嚐會，由北海道釀酒師帶領，令大家可以更深入了解清酒嘅製造過程！每種酒都以當地純淨嘅融雪水同大米所釀製，再品嚐埋精選嘅日本小食，滿足你嘅味蕾之餘又可以加深對日本歷史嘅認識！除此之外，酒店內嘅酒窖亦有眾多紅酒供大家選擇及品嚐，毋須踏出酒店，就可以喺侍酒師嘅帶領下享受一系列紅酒。
二世古行程推薦 | 4. 高爾夫球車之旅（Golf Cart Tour）
高爾夫球車之旅為二世古花園度假村2020年推出嘅夏季活動，喺導遊嘅帶領之下，大家都可以體驗吓乘坐高爾夫球車！咁就可以喺坐車嘅途中欣賞到二世古最美嘅景色，包括羊蹄山以及新雪谷安努普利，仲有北海道獨有嘅白樺林！將夕陽、湖泊、森林同綿延起伏嘅山用眼睛同相機紀錄低，享受絕美嘅一刻～夏季活動將會由2025年7月1日至9月15日開始，帶大家享受一趟45分鐘嘅行程！
二世古行程推薦 | 5. 「Mountain Lights」
夏天必定要做嘅活動就係觀賞呢個「Mountain Lights」燈光藝術展，以二世古花園度假村嘅大自然為背景，為大家帶嚟沉浸式大型燈光藝術裝置，呈現身歷其境嘅視覺及音樂體驗！英國藝術家Bruce Munro以光纖創作出180,000 個微妙嘅光點，將夏季休眠嘅滑雪場，打造成為一條長1,300米嘅光帶，就好似作品嘅名稱「螢火蟲」一樣，照亮了整個山腳，等大家感受大自然無與倫比嘅美麗～建議大家可以先搭乘纜車從高處俯瞰壯觀嘅美景，再慢慢行落去欣賞。
二世古行程推薦 | 6. 公共及私人溫泉（Hot Spring）
當你享受完一日完美嘅行程之後，就一定要去浸溫泉，舒舒服服咁享受屬於自己嘅私人時間～二世古花園柏悅酒店設有超過100間客房，包括28間套房，另有各式設備齊全嘅住宅，等你可以一次過享受公共溫泉同私人溫泉！部分套房設有私人溫泉，夏天浸溫泉出返一身汗都好舒服，仲可以飽覽到羊蹄山美景，觀賞夏天壯麗嘅山景，放鬆身心靈！
二世古行程推薦 | 二世古3日2夜行程推薦
想打造一個完美又放鬆嘅3日2夜嘅行程，小編就推薦大家第一日可以先玩夏日空中飛索，玩到攰就可以留喺酒店享受清酒品嚐，品嚐吓日本清酒～跟住就可以安排高爾夫球車之旅，欣賞大自然美景。夜晚再留喺房間入面浸私人溫泉，享受屬於自己嘅Me Time！叉足電後嘅第二日玩騎馬，再欣賞沉浸式大型燈光藝術展Mountain Lights，簡直係全面嘅身心放鬆之旅，仲可以一次過體驗埋日本嘅獨特文化～Plan好行程之後，記得要快啲去預約二世古花園柏悅酒店啦，暑假時間好搶手㗎！
【INFO】 《二世古花園柏悅酒店》 立即預約：https://bit.ly/3FY6P2R
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
