上海Legoland | 上海又有新嘅主題樂園即將落成！全球最大嘅上海樂高樂園度假區將會喺今年7月開幕，當中有成超過70幾個互動遊樂設施、演出同景點等，即刻入內文睇詳情啦！
圖片來源：官方圖片 | 撰文：Hedy
上海樂高樂園度假區將會喺2025年7月5日開幕，為全球開園規模最大嘅樂高樂園。樂園度假區專為2至12歲嘅親子家庭所打造，入面擁有8大主題區以及1座擁有250間特色房間嘅樂高主題酒店，等大家玩完之後都可以好好休息～當中最特別嘅
上海樂高樂園 | 主題區1：樂高®悟空小俠
全球首發嘅樂高®悟空小俠，將中國傳統文化熱門IP孫悟空實景化，悟空小俠同佢嘅伙伴將向你發出召喚，帶你一齊嚟參與冒險！主題區入面有花果山神秘船、悟空小俠雲霄歷險以及龍小驕之玉龍神力等項目，帶大家一齊感受離心力～而喺萬千城以及小小千萬城等奇幻之城內則遍佈攀爬、滑行等遊樂設施，大家仲可以同悟空小俠等人偶合照、探訪藏寶屋。
上海樂高樂園 | 主題區2&3：積木街道&奇趣積木城
當大家穿過標誌性嘅拱門之後，大家就會見到唔同嘅樂高模型同演出，有唔同經典角色互動，仲可以喺「旋轉積木派對」入面盡情旋轉！大型劇場將上演悟空小俠嘅故事。
上海樂高樂園 | 主題區4：樂高®城堡
歡迎大家嚟到騎士、公主、巫師同巨龍嘅過度，呢度有飛龍過山車、巫師飛行器、小龍飛車、勇登高塔同皇家競技場5大騎乘項目，帶大家體驗過山車～小朋友仲可以喺度化身建築大師或國王，搭建自己嘅橋樑又或者係照顧自己嘅馬匹，沉浸式體驗中世紀生活！
上海樂高樂園 | 主題區5：樂高®樂園創想世界
全球首發嘅樂高樂園創想世界主題區，入面擁有世界最大嘅樂高人仔，高達26米嘅巨型搭搭！大家仲可以登上60米高嘅樂園觀光塔入面一覽樂園全貌，360度沉浸式感受樂園。而喺迷你光影秀入面仲會顯示到全國景點，例如係陸家嘴、外灘等上海地標性嘅建築！
上海樂高樂園 | 主題區6：樂高®好朋友
樂高®好朋友主題區有各種嘅水上遊戲等緊大家玩，例如係摩托艇、拼搭船、心湖城秋千，炎炎夏日同朋友玩水上派對一定會特別開心～
上海樂高樂園 | 主題區7：樂高®幻影忍者
樂高®幻影忍者主題區設有三大騎乘項目，當中包括樂高幻影忍者之旅、杰的重力訓練營以及凱的空中競技嘅挑戰等等，帶大家一次過體驗速度、重力以及高度！同場亦有幻影旋轉訓練道場，喺變幻嘅空間入面不斷攀爬、旋轉以及滑行。
上海樂高樂園 | 主題區8：樂高®城市
樂高®城市廣受歡迎嘅6大騎乘項目，包括駕駛學校、初級駕駛學校、海岸警衛學院、救援學校、城市火車站以及城市機場，等小朋友都可以體驗到唔同職業嘅樂趣。透過4D影院入面仲可以全方位感受電影嘅魅力。
上海樂高樂園 | 樂高樂園酒店
酒店共有五大主題客房，當中包括樂高城市、樂高好朋友、樂高城堡、樂高幻影忍者、樂高悟空小俠，仲有埋探寶地圖同樂高寶藏箱，一定可以等小朋友喺上海樂高樂園玩得開心～酒店入面仲有冒險嬉戲區、迷你城堡以及創意工作坊等！
上海樂高樂園 | 上海樂高樂園度假區票價
| 平季日 | 兒童255元 成人319元 |
涵蓋大部分周中，節假日除外 |
| 常規日 | 兒童300元 成人379元 |
涵蓋大部分工作日，節假日除外 |
| 特別常規日 | 兒童350元 成人439元 |
通常為節假日期間的工作日，以及部份春季、秋季及冬季的周末 |
| 旺季日 | 兒童399元 成人499元 |
通常為節假日期間的周末，以及部份春季、秋季和冬季的周末 |
| 高峰日 | 兒童439元 成人549元 |
重大節假日期間的旺季時段 |
| 特別高峰日 | 兒童479元 成人599元 |
國慶節、春節和勞動節等出行需求旺盛的日期 |
【INFO】 《上海樂高樂園度假區》 開幕日期：2025年7月5日 地址：上海市金山區楓涇鎮
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
