Chiikawa fans注意！官方手機遊戲《Chiikawa Pocket》(ちいかわぽけっと)原本預定於1月推出，但官方宣佈將延期至2025年春季推出！遊戲以「隨時隨地與小可愛們一起」為主題，係一個充滿養成與冒險類型元素嘅手遊。玩家可以體驗成為Chiikawa嘅一分子，同一眾角色展開冒險之旅，一齊討伐怪物、拔草同煮嘢食等。即睇內文了解詳情啦～

圖片來源：X@chiikawa_pt_jp｜撰文：Sharon

《Chiikawa Pocket》係首個官方手機遊戲，玩家可以身為Chiikawa角色，除咗可以體驗討伐生活，仲可以拔草賺錢、收集食譜等，非常治癒！

官方手機遊戲《Chiikawa Pocket》(ちいかわぽけっと)。（圖片來源：X@chiikawa_pt_jp）

除咗3位主角，仲加入飛鼠、栗子饅頭、海獺師傅同風獅爺等角色，而每個角色更擁有專屬場景，包括Usagi嘅麵包店同風獅爺嘅拉麵店等，只要收集裝飾道具同服裝，更可以打造獨一無二嘅場景。

每個角色都有專屬場景。（圖片來源：X@chiikawa_pt_jp）
風獅爺嘅拉麵店。（圖片來源：X@chiikawa_pt_jp）
Usagi嘅麵包店。（圖片來源：X@chiikawa_pt_jp）
（圖片來源：X@chiikawa_pt_jp）

不過官方最近宣佈，為咗提升遊戲品質，原本預定於1月推出，要延期至2025年春季先有得玩！遊戲目前只開放日本地區嘅iOS同Android，香港嘅朋友如果想提早試玩，則需要切換地區至日本喇！

遊戲原本預定於1月推出，要延期至2025年春季先有得玩！（圖片來源：X@chiikawa_pt_jp）
遊戲完美還原動畫！（圖片來源：X@chiikawa_pt_jp）
非常治癒嘅遊戲！（圖片來源：X@chiikawa_pt_jp）
（圖片來源：X@chiikawa_pt_jp）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk