破解Netflix ｜Netflix一直想打擊「寄生帳號」，講咗咁多年終於都實行，佢哋早前宣佈用戶與同住者以外嘅人共用帳戶，每個月則需要多付HK$28，用嚟加入額外帳戶成員，正式封殺各位「非同住者」寄生蟲。但原來都仲有方法可以輕鬆 破解Netflix 限制，想知點做到就要睇埋落去啦！
圖片來自：網上圖片｜撰文：Athena
Netflix 如何分辨「同住者」設備？
要破解限制，首先要知道Netflix係點樣定義「同住者」及「非同住者」嘅設備。簡單嚟講，「同住者」必須為住喺同一間屋嘅人，而Netflix表示判斷係咪同住家人嘅第一個標準為「電視」。Netflix會按照 IP地址、設備ID 及帳戶活動等訊息，嚟辨別你登入嘅設備係咪「同住者」設備。不過首先係要定義主帳戶嘅「住所」(Home)。用家可以選擇你住所嘅電視作為主設備，揀定之後Netflix會將電視連接嘅 IP地址作為住所嘅 IP，而透過呢個IP收睇Netflix嘅用戶先會被視為「同住者」。如果「非同住者」想加多一個IP地址收睇Netflix，每個月就要俾多HK$28去加入額外帳戶成員啦！
「非同住者」定義
首先什麼是「同住者」？如果你付費訂閱 Netflix 服務，而你跟哥哥同住，那麼你們就是「同住者」，但如果你跟哥哥不是同住，那麼你的哥哥就屬「非同住者」，而新的措施需要多付 HK$28 以加入額外帳戶成員，「非同住者」才可繼續使用 Netflix。
破解Netflix 方法 1. 唔用電視收睇Netflix
聰明嘅你應該一早睇得出破綻，Netflix係以「電視」嚟定義「住所」主設備。如果用家唔用電視嚟收睇Netflix，而改用電腦、平板電腦或智能手機，咁就唔會出現「住所」主設備呢個問題，同時亦唔會有「非同住者」呢個問題啦～
如果屋企有兩部或以上電視機，又想同時一齊睇Netflix嘅話，就要先將電視設定為同戶設備。播放前，Netflix會要求用戶進行驗證，用戶可以電郵或短信進行驗證，完成後就可以多部電視同時收睇啦！
破解Netflix 方法 2. 共用電郵帳戶
第二個方法就係由認証入手，用家可以先註冊一個全新嘅電郵，並將電郵地址及密碼分享俾所有你嘅Netflix共享者。全新電郵可以以免用家嘅私隱外洩，造成不必要嘅誤會。「非同住者」喺每次播放Netflix之前，都會被要求進行驗證。共同擁有電郵帳戶就可以隨時自行通過驗證，唔使麻煩其他人啦！
破解Netflix 方法 3. 用電腦連接電視
假如共用帳戶中，有多於一位用戶想以電視睇Netflix，但又唔係同住者。大家可以用HDMI綫，將電腦連接電視收睇，咁就可以避開Netflix定義你嘅設備為「非同住者」。不過呢個舉動可能有少少麻煩，但可以每個月節省多$28，大家都可以試吓！
不過都想提提大家，真係想欣賞或支持Netflix嘅製作，最好就付足應付嘅費用，令Netflix可以有更多資金繼續做好作品俾大家睇！
————————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
