自從疫情開始,大家放假留係屋企通常都係煲劇或者訓覺,雖然而家無咩地方好去,不過其實除左追劇,手遊都係一個可以消磨時間嘅好選擇!而家手遊越出越多,當中更加有唔少由人氣動漫改編而成,整個遊戲製作都超有心機,除左有精美細緻嘅遊戲畫面,原版聲優同劇情向玩法都令D回憶返曬黎!一邊玩就好似重溫緊套動漫咁,動漫迷絕對唔可以錯過,想知到底有邊幾部動漫改編手遊好玩,而家即刻跟小編一齊download啦~

圖片來源:網絡圖片| 撰文:Candice


動漫改編手遊推介1. 「死神:羈絆之刃」

適逢死神動畫開播滿20週年紀念,早係上年官方就公佈最終章千年血戰篇動畫化決定!雖然之後都無再有最新消息更新,但最近就有一款《死神》嘅RPG卡牌手遊推出左,小編作為原著fans自己都有玩緊~

動漫改編手遊

遊戲玩法簡單,同一般抽卡game嘅玩法大致相同,遊戲入面而家一共有3個卡池,完成任務通關就可以賺取魂玉抽卡,最近仲更新左假面卡池,小編岩岩抽到平子真子,戰鬥力超強!

動漫改編手遊

另外遊戲亦會不定期舉辦限定活動,玩家可以賺取稀有角色碎片再合成角色,例如小烏、京樂春水等戰鬥力較強嘅角色就係係限定活動中拎到,fans們記得唔好錯過!

動漫改編手遊 動漫改編手遊

而遊戲模式方面就比較豐富,玩家除左可以一邊通關一邊重溫主線劇情,另外仲有多個模式可以挑戰,例如係難度較高嘅精英模式、同服玩家互相挑戰等等。

動漫改編手遊
街道以3D模式呈現,超級精緻!
動漫改編手遊
遊戲按照動畫劇情進行,超有回憶!
動漫改編手遊
除了主線劇情更有同服玩家競技可以挑戰,每天會結算排名一次附送獎勵!

小編自己覺得遊戲最吸引係相對多獎勵附送,玩家可以係每2日就可以挑戰一次嘅「瀞靈廷挑戰」入面拎到好多補給!最近遊戲仲更新左自動掃蕩功能,令唔少遊戲任務都變得更輕鬆~

動漫改編手遊

遊戲當中仲有禮物掉落比你同角色培養好感度,包含係隊伍入面嘅角色好感度越高,戰鬥時嘅先攻機會都會比較高!

動漫改編手遊

「死神:羈絆之刃」除左玩法多樣,畫面都同樣精緻唔馬虎,主頁介面嘅角色同背景都可以自行更換,另外仲有動漫入面嘅配樂做bgm,成個game都令小編d回憶翻曬黎!

動漫改編手遊

動漫改編手遊

角色出大技時嘅畫面更係超有心思,技能特效滿分!如果你都係死神嘅fans,趁台服新推唔算太耐,不妨即刻download黎玩下啦~

下載遊戲:

iOS Andriod

動漫改編手遊推介2.「一拳超人:最強之男」

呢款遊戲早係遊戲預告推出時就造成不少討論熱潮,玩家除左可以同主角埼玉組隊之外,遊戲亦不斷推出新角色,大家可以聯手同佢哋一齊突破災害同打低惡名昭彰嘅怪人。

動漫改編手遊 動漫改編手遊

遊戲角色分為英雄與怪人兩大陣營,派系又分為武裝、格鬥、科技、超能四種類型,玩家仲可以自由搭配對戰陣容添!

動漫改編手遊 動漫改編手遊

除左有超多角色之外,遊戲亦沿用動畫片配音,玩家係遊戲中可以參與探索、試煉、BOSS、RPG等多樣玩法,贏取豐厚獎勵!另外仲設有進化所、競技場、災害來襲、王者挑戰、天賦試煉、多人同時線上組隊嘅玩法,PVE副本更加入左埼玉老師戰鬥模式,比玩家體驗一拳擊殺嘅快感!

動漫改編手遊 動漫改編手遊

遊戲整體感覺比較偏向PC game嘅style,大家有興趣記住叫埋Friedns一齊down一齊玩!

下載遊戲:

iOS Andriod

動漫改編手遊推介3. 「灌籃高手 SLAM DUNK」

打機一向係男人嘅浪漫,如果加上神作動漫更加係錦上添花~ 大家最愛嘅動漫之一《灌籃高手》(男兒當入樽)原來都有推出手遊!知名角色如湘北、陵南、翔陽與海南全部都有,官方仲用原版聲優做配音,加入卡牌同實時競技系統,開放多人遊玩同排位賽模式,還原程度滿分!

動漫改編手遊

動漫改編手遊

除左核心嘅3V3半場模式外,遊戲仲有1V1鬥牛、2V2組隊、3V3全場、單人5V5全場等多種比賽模式。排位賽以3V3半場作為比賽模式,每3分鐘一場。最正係遊戲中仲會還原櫻木花道、流川楓、仙道彰、牧紳一等經典角色嘅經典技能添!

動漫改編手遊

動漫改編手遊 動漫改編手遊

而家疫情雖然唔敢出街做運動,但都可以同幾個朋友約埋係game入面打翻場~遊戲畫面分別以Q版同動漫形式呈現,遊戲玩法簡單,大家有興趣都快D down黎試試啦~

下載遊戲:

iOS Andriod

動漫改編手遊推介4. 「我的英雄學院:最強英雄」

我的英雄學院作為今年人氣較高嘅熱血動漫,最近亦推出左一款RPG手遊「我的英雄學院:最強英雄」。遊戲畫面主要以3d形式呈現,每位英雄都擁有自己獨特的超能"個性": 「One For All」、「爆破」、「半凍半燃」、「無重力」等等,可以發動超華麗嘅專屬"個性"技能~

動漫改編手遊 動漫改編手遊

另外地圖亦採用3D立體開放式畫面,完整展現城市街景;角色可以利用墻面進行快速移動,遊戲除左有豐富任務支線,仲可以比玩家體驗英雄日常,緊急事件等等!

動漫改編手遊 動漫改編手遊

fans們記得down黎玩玩啦~

下載遊戲:

iOS Andriod

動漫改編手遊推介5. 「Naruto x Boruto忍者熱闘」

講到經典動漫又點少得火影,火影一向鍾意出手遊,而家動畫劇情已經去到主角鳴人個仔博人嘅年代,而呢款手遊都唔例外!

動漫改編手遊

主角漩渦鳴人、宇智波佐助、旗木卡卡西,以及春野櫻等「火影忍者疾風傳」的角色都會係遊戲中出現,而新時代嘅漩渦慕留人等人氣角色都會陸續參戰!

動漫改編手遊

遊戲同樣有多種遊玩模式,多人遊玩同排名戰不在話下,最吸引係只要簡單操作就可發動連擊同各種多采多姿的忍術!

動漫改編手遊動漫改編手遊

無論係鳴人嘅螺旋丸定係佐助嘅寫輪眼,一律都會係遊戲中以精緻美術重現!如果你都想體驗下做忍者嘅感覺,就要download黎玩下啦~

下載遊戲:

iOS Andriod

動漫改編手遊推介6. 「FAIRY TAIL:無盡冒險」

黎到最後一款動漫改編game,FAIRY TAIL:無盡冒險同樣係抽卡rpg game,遊戲收錄左超過50位人氣角色,除左還原劇情同配音,亦有3D魔法出招畫面,經典魔法——火龍的咆哮、星靈魔法等都會一一再現。

動漫改編手遊 動漫改編手遊 動漫改編手遊

如果你都想培養出專屬於自己嘅魔導士團隊,不妨即刻download黎玩下啦~

下載遊戲:

iOS Andriod

Follow 我地睇更多最新情報!

Facebook – SAUCE – 為生活加一點味道

Instagram – sauce.media.hk

MEWE – SAUCE – 為生活加一點味道

Website – https://saucemedia.net/