聖誕好去處2025 | 迪士尼fans必去！3,000呎Dumbo 主題聖誕嘉年華登陸香港，可以同6米高充氣小飛象打卡之外，仲有9大打卡場景同遊戲區！即刻入內文睇詳情喇～

圖片來源：官方圖片 | 撰文：Hedy

由小飛象與好友提摩太（Timothy）領航，帶大家一齊參與3,000呎Dumbo 主題聖誕嘉年華！MCP CENTRAL （新都城中心2期）將大家譜出「Dumbo聖誕飛翔狂想曲」，小飛象將化身成6米高巨型「星空小飛象」充氣裝置，帶大家展開聖誕旅程！

Dumbo聖誕飛翔狂想曲（圖片來源：官方圖片）

Dumbo 主題聖誕嘉年華 | 5大打卡區

  • 6米高充氣「星空小飛象」裝置

巨型充氣「星空小飛象」裝置喺6米高嘅空中伸展著招牌大耳朵，率先迎接大家探索聖誕嘉年華！

6米高充氣「星空小飛象」裝置（圖片來源：官方圖片）

  • 星願馬戲門廊

提摩太裝置位於五光十色嘅「星願馬戲門廊」隔離，而喺門廊嘅另一邊，更設置咗充滿視覺奇幻感嘅「小飛象幻影千層鼓」裝置！小飛象嘅剪影融入多重疊加嘅鼓面幻影之中！

星願馬戲門廊（圖片來源：官方圖片）

  • 小飛象馬戲大舞台

穿過馬戲門廊，就可以見到馬戲帳幕內嘅小飛象裝置。帳幕上9米高巨型「閃爍星光聖誕樹」，以及兩旁簇擁著小飛象裝置嘅聖誕森林樹群，洋溢濃厚節日氣氛！

小飛象馬戲大舞台（圖片來源：官方圖片）

  • 「小飛象號」聖誕列車

化身小車長嘅小飛象以裝置形式出現，駕駛著滿載禮物嘅「小飛象號」聖誕列車，準備向大家派發聖誕禮物。

「小飛象號」聖誕列車（圖片來源：官方圖片）

  • 小飛象旋轉派對

坐落於森林左側嘅「小飛象旋轉派對」匯聚多個創意打卡場景。除咗可以捕捉活潑嘅小飛象裝置繞著派對飛翔嘅身影，仲可以坐上雜技單車，挑戰平衡力。

小飛象旋轉派對（圖片來源：官方圖片）

Dumbo 主題聖誕嘉年華 | 4大小飛象主題攤位遊戲

「星願拋球大挑戰」考驗大家控制拋球嘅力度，等球停留喺木桶入面！超經典嘅「彩虹拋拋樂」，考驗大家眼界將球拋進指定顏色洞。而「星球障礙賽」就要求大家將球放入賽道越過唔同障礙，成功運送到指定目的地。最後就有「星軌推球樂」，將球推到唔同坡度嘅軌道上，停留至指定範圍。

聖誕嘉年華（圖片來源：官方圖片）
星願拋球大挑戰（圖片來源：官方圖片）
彩虹拋拋樂（圖片來源：官方圖片）
【INFO】
《聖誕嘉年華攤位遊戲》
日期：2025年11月1日至2026年1月1日
時間：12:00至20:00
地點：MCP CENTRAL（新都城中心 2 期）L1天幕廣場

Dumbo 主題聖誕嘉年華 | 贏限定小飛象主題精品

想玩攤位遊戲嘅朋友可以喺現場以優惠價$100，購買4張遊戲券。而H‧COINS 會員以電子貨幣即日單一消費滿HK$300，即可換領嘉年華遊戲券4張。玩攤位遊戲有機會贏取會場限定小飛象主題精品，包括咕𠱸、圓形餐碟及頸枕。就算贏唔到大獎都有小飛象主題杯墊以及掛飾等可愛小禮品！

A5文件夾（圖片來源：官方圖片）
頸枕（圖片來源：官方圖片）
頸枕（圖片來源：官方圖片）
貼紙（圖片來源：官方圖片）
貼紙（圖片來源：官方圖片）
+5

Dumbo 主題聖誕嘉年華 | H‧COINS 會員限定

H‧COINS會員以電子貨幣即日消費滿HK$600，即可換領「逐夢小飛象主題硅藻杯墊」乙個。而單一消費每滿HK$500，即可獲得電子印花1枚(每張單據最多可獲電子印花2枚)。集齊4枚電子印花，即可換領「小飛象主題馬戲世界毛毯」乙張，冬日居家必備用品！

小飛象主題馬戲世界毛毯（圖片來源：官方圖片）
小飛象主題硅藻杯墊（圖片來源：官方圖片）
【INFO】
《MCP 新都城中心 「Dumbo聖誕飛翔狂想曲」》
日期：2025年11月1日至2026年1月1日
時間：10:00至22:00
地點：MCP CENTRAL （新都城中心2期）L1天幕廣場

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk