鍾意睇展覽嘅朋友注意！香港首個藝術科技展館「藝境空間 Visionairs」於香港西九文化區舉辦巴黎聖母院AR體驗展，以沉浸式體驗帶大家穿越法國巴黎！今次仲會以AR技術重現巴黎聖母院多個重要歷史時刻，以及多件文物嘅展出，有興趣嘅朋友即睇內容了解詳情啦！
圖片來源：官方圖片｜撰文：Sharon
首個沉浸式體驗展覽「浴火重生——巴黎聖母院擴增實境沉浸式體驗展」由即日起至2025年3月7日，於香港西九文化區舉行。體驗展曾經喺巴黎、杜拜、蒙特利爾及上海等19個城市巡展，今次仲會以AR技術帶到香港，同大家穿越時空去到巴黎，重現聖母院多年嘅歷史變遷，包括自2019年大火後嘅復修過程，相當珍貴！
大家只要透過平板電腦掃瞄圖案，就可以穿梭20個不同時代，親身體驗亨利四世婚禮、拿破崙加冕典禮以及修復聖母院嘅過程。當然唔少得多件文物包括石像鬼複製品、聖母院管風琴及玫瑰窗的投影及雕塑等嘅展出！場內更有聖母院管風琴同鐘聲嘅環繞音效，令大家猶如置身其中般！
【INFO】 《浴火重生——巴黎聖母院擴增實境沉浸式體驗展》 地址：西九文化區博物館道22號藝術公園地下GF-01-03號舖Visionairs 日期：即日起至2025年3月7日 預訂網址：https://bit.ly/3ZWoVts
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
