哈囉威香港 | 大家又諗好萬聖節去邊玩未呢，為咗令全城投入萬聖節夜間狂熱，香港旅遊發展局將推出「哈囉威香港」，當中更有4大驚喜點等緊大家，太空館將會化身成為巨型南瓜，超可愛～
圖片來源：香港旅遊發展局 | 撰文：Hedy
哈囉威香港 | 1. 太空館3D光雕匯演
萬聖節當然唔少得南瓜啦，而尖沙咀絕對係唔少遊客以及市民經過嘅地方，香港太空館將一連兩周化身成可愛應節造型！除咗會變身做巨型南瓜之外，亦會以白色幽靈﹑菠蘿包﹑銀河及蝙蝠等嘅光影造型動感登場，再加埋音樂，帶嚟豐富嘅3D視聽體驗！旅發局更會不定時舉行快閃街頭表演，同大家互動，相信絕對可以將萬聖節濃厚嘅氣氛帶畀大家！
【INFO】 《太空館3D光雕匯演》 日期：2024年10月18日至31日 時間：20:15至22:30 地點：香港太空館（香港九龍尖沙咀梳士巴利道10號）
哈囉威香港 | 2. 嘩鬼電車
披上亮麗外衣嘅萬聖節主題電車，將會帶住大家穿梭港島嘅大街小巷，等大家都可以欣賞吓香港美麗嘅夜景。而喺萬聖節當日更有電車巡遊表演，一眾可愛嘅鬼怪將會登上電車同大家見面，同大家一齊投入慶祝萬聖節！
【INFO】 《嘩鬼電車》 日期：即日起至2024年10月31日 地點：香港島地區
哈囉威香港 | 3. 雪糕南瓜車 免費派雪糕
經典嘅雪糕車將會喺今個萬聖節搖身一變，成為雪糕南瓜車，免費派雪糕畀大家，走遍大街小巷將歡樂帶畀大家！想食雪糕嘅大家就可以分別去旺角、尖沙咀、銅鑼灣及中環各區碰下運氣～旅發局更會喺萬聖夜，即10月31日夜晚7點至10點，喺中環8號碼頭近摩天輪嘅位置，向大家免費派發雪糕，送上一抹甜蜜驚喜。
【INFO】 《雪糕南瓜車》 日期：2024年10月18、19、25、26及31日 時間：19:00至22:00 地點：遊走於旺角、尖沙咀、銅鑼灣及中環各區
哈囉威香港 | 4. 港鐵萬聖節打卡位
如果每日返工放工都會途徑銅鑼灣以及中環港鐵站，都可以放慢腳步欣賞吓喺呢2個站入面嘅萬聖節裝飾，打卡紀錄低！
【INFO】 《港鐵萬聖節打卡位》 日期：即日起至2024年10月31日（中環港鐵站〉；2024年10月17日至10月31日（銅鑼灣港鐵站） 地點：中環及銅鑼灣港鐵站
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
