鍾意睇展覽嘅朋友留意喇！由11月20日至2026年8月31日，為期九個半月嘅「古埃及文明大展：埃及博物館珍藏」於香港故宮文化博物館登場！展覽由香港故宮文化博物館與埃及最高文物委員會合辦，集齊近250件珍品，非常難得！即睇內文了解更多！
圖片來源：官方圖片、discoverhongkong｜撰文：Sharon
由香港故宮文化博物館與埃及最高文物委員會合辦，「古埃及文明大展：埃及博物館珍藏」由11月20日至2026年8月31日於香港故宮文化博物館登場！今次嘅展覽係香港近數十年來規模最大、最全面嘅古埃及珍寶展覽，當中有近250件來自埃及國家博物館、盧克索博物館等七間重要埃及博物館嘅珍貴藏品，有唔少展品更係首次離開埃及展出！
展覽分為四大單元，包括「法老的國度」、「圖坦卡門的傳奇」、「薩卡拉的秘密」以及「古埃及與世界」。博物館運用創新的策展方法，配合數碼技術同沉浸式展示方法，生動有趣地展示古埃及文明輝煌的成就，同大家一齊探索古埃及文明嘅奧秘！有興趣嘅朋友記得Bookmark去啦～
【INFO】 《古埃及文明大展：埃及博物館珍藏》 地點：香港故宮文化博物館展廳9 日期：2025年11月20日 - 2026年8月31日 時間： 星期一、三、四及日：上午10:00至下午6:00； 星期五、六及公眾假期：上午10:00至晚上8:00； 星期二 (公眾假期除外) 、農曆年初一及年初二休館
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
