好多人去日本鍾意去Game Centre夾公仔，皆因易夾又多款式。日本國民遊戲中心TAITO STATION進駐香港，帶嚟多款適合一家大小玩樂嘅日本新式人氣夾公仔機同埋娛樂設施，以及逾百款景品，包括日本大熱動漫、遊戲角色IP公仔、Figure等，開業期間仲推出限定優惠，煩惱去邊度玩嘅你，周末就去TAOTO STATION啦！
圖片來源：SAUCE編輯部
TAITO STATION位於荃灣如心廣場嘅首間香港分店今日（15日）開幕，小編率先去現場直擊報道！荃灣如心廣場店佔地大約3,500平方呎，場內特設超過30部人氣夾公仔機，包括日本最新型號嘅雙爪夾公仔機，同埋日本非常流行、專門夾大公仔嘅三爪夾公仔機，畀一眾夾公仔迷大顯身手；仲有多部玩法多樣嘅遊戲機。
新店景品類別好豐富，有過百款景品，有齊日本人氣動漫卡通、遊戲角色IP公仔和Figure，仲有多款精美日本直送零食、家品、文具、釣魚套裝等，更會陸續推出TAITO限定景品，極具吸引力。
新店仲特別引入日本TAITO STATION獨家嘅HAPPY BUTTON免費雙人對決遊戲，畀大人細路盡情比拼較量。唔止咁少，場內都設有多款體感型遊戲機，除咗籃球機、氣墊球機等經典遊戲設施，喺日本極具人氣嘅刷牙遊戲機都嚟咗香港，小朋友一定鍾意。
TAITO STATION香港 開幕限定優惠
為慶祝新店隆重開幕及聖誕佳節，於12月15日至1月7日期間，登記成為會員後透過電子金幣卡增值滿指定金額，即可獲得額外電子金幣：增值港幣500元可換580個電子金幣；增值港幣800元可換940個電子金幣；增值港幣1,200元可換1,420個電子金幣；增值港幣2,000元可換2,380個電子金幣，增值金額愈多，送贈電子金幣愈多！
【INFO】 TAITO STATION NINA MALL 荃灣如心廣場店 地址：荃灣如心廣場1期219-221號舖 營業時間：10:00 - 22:00（全年無休） 官方Facebook：https://bit.ly/48kxBvk 官方Instagram：https://bit.ly/3TxvP5w
