Staycation簡直成為咗近年香港人嘅最喜愛活動，放假去玩吓Chill吓，當自己去咗個旅行咁，彌補呢幾年冇得去旅行嘅遺憾！唔少網民都鍾意分享佢哋嘅Staycation住後感，近日國際旅遊機構Travel Leisure就公佈咗最新全港酒店嘅排名，想知道有邊幾間酒店有上榜，就記得睇埋落去啦！
圖片來源：網路圖片、香港君悅酒店、港島香格里拉大酒店、香港麗思卡爾頓酒店、奕居、香港半島酒店、香港瑰麗酒店、香港四季酒店、香港文華東方酒店｜撰文：Claudia
Staycation比拼第8名 – 香港君悅酒店 Grand Hyatt Hong Kong
香港君悅酒店位置近海傍，所以大部分房間都可以睇到靚靚海景，加上交通十分方便，同埋有時會推出24小時住宿優惠，吸引唔少客人入住。網民大讚自己紀念日入住，酒店仲好貼心送蛋糕，現時仲推出豪華Staycation優惠，如果想慶祝紀念日絕對可以考慮呢間酒店啦！
【INFO】 《香港君悅酒店 Grand Hyatt Hong Kong》 地址：灣仔港灣道1號 預訂網站：https://bit.ly/3BP1lmY
Staycation比拼第7名 – 港島香格里拉大酒店 Island Shangri-La, Hong Kong
相信唔少朋友心目中港島香格里拉大酒店都榜上有名，係港島區飽覽維港景色，位於金鐘太古廣場，地理位置都十分方便！酒店內有唔少價值連城嘅藝術珍品，同埋豪華設施，由環境到服務都唔少好評，不得不提嘅係酒店內嘅餐廳係數一數二嘅頂級餐館，記得去玩要試埋酒店餐廳啦！
【INFO】 《港島香格里拉大酒店 Island Shangri-La, Hong Kong》 地址：香港中環香港中級法院道太古道 預訂網站：https://bit.ly/3zGZSw5
Staycation比拼第6名 – 香港麗思卡爾頓酒店 The Ritz-Carlton, Hong Kong
香港麗思卡爾頓酒店位於九龍環球貿易廣場嘅102至118層，曾經係全世界最高嘅酒店，飽覽維港及城市景色！酒店內更有米芝蓮星級義大利餐廳Tosca di Angelo同埋二星米芝蓮中菜食府天龍軒，唔少人專程嚟品嚐美食㗎！
【INFO】
《香港麗思卡爾頓酒店 The Ritz-Carlton, Hong Kong》
地址：香港九龍柯士甸道西1號
預訂網站：https://bit.ly/3P1CW0t
Staycation比拼第5名 – 奕居 The Upper House
如果鍾意山景嘅你，Staycation就一定要揀呢間酒店！奕居地理位置方便，位於金鐘太古廣場嘅38樓至49樓，其中奕居受歡迎之處在於酒店房超寬敞，同埋打卡必備嘅靚靚浴缸，如果鍾意佢個石灰岩浴缸，就記得要提前預訂啦！
【INFO】 《奕居 The Upper House》 地址︰香港金鐘道88號太古廣場 預訂網站：https://bit.ly/3JDTuua
Staycation比拼第4名 -香港半島酒店 The Peninsula Hong Kong
香港半島酒店歷史悠久，開業超過近百年，已經係一級歷史建築，相信第一次住嘅朋友都會畀佢優雅典範嘅外貌震驚，酒店入面放咗眾多古蹟文物，住過嘅朋友仔都話返唔到轉頭啊！襯有優惠就記得去玩返晚啦！
【INFO】 《香港半島酒店 The Peninsula Hong Kong》 地址：尖沙咀梳士巴利道 預訂網站：https://bit.ly/3P9JNVm
Staycation比拼第3名 – 香港瑰麗酒店 Rosewood Hong Kong
香港瑰麗酒店係近期香港人嘅Staycation大熱點，位於維多利亞港海傍，鄰近香港星光大道，佢嘅大理石浴室成為必去打卡點，酒店所有嘅房都有雲石浴室㗎👍！而不得不提嘅係佢個無邊際向海泳池真係好靚，值得一去啊！
【INFO】 《香港瑰麗酒店 Rosewood Hong Kong》 地址：香港九龍尖沙咀梳士巴利道 18 號 預訂網站：https://bit.ly/3A6NNSx
Staycation比拼第2名 – 香港四季酒店 Four Seasons Hong Kong
呢間酒店相信大家絕對唔陌生，香港四季酒店房間採用落地窗設計，無論係客房定套房都可以欣賞到維多利亞港、太平山同埋九龍全景，酒店泳池同米芝蓮3星食府 – 龍景軒都係必去㗎！
【INFO】 《香港四季酒店 Four Seasons Hong Kong》 地址：香港中環金融街8號 預訂網站：https://bit.ly/3djTL9P
Staycation比拼第1名 – 香港文華東方酒店 Mandarin Oriental Hong Kong
最後終於嚟到榜上第一名，就係香港文華東方酒店啦！香港文華東方酒店嘅環境同服務享譽國際，酒店設計時尚現代結合奢華、舒適同型格嘅風格，酒店仲可以帶寵物入住㗎！依家8月更推出「POLA 呵護夏日肌膚之旅」限時住宿體驗禮遇，淨係套護膚品都值回票價，有興趣嘅朋友記得快啲搶購優惠啦！
【INFO】 《香港文華東方酒店 Mandarin Oriental Hong Kong》 地址：香港中環干諾道中5號 預訂網站：https://bit.ly/3Hyyvqt
睇到咁多間靚靚酒店，係咪好吸引呢！心動不如行動，快啲約埋朋友或者另一半去玩返晚啦！依家有唔少酒店都有優惠，咁抵又點可以錯過啊！無論你係鍾意環境定睇靚景，又或者想食米芝蓮餐廳都好，總有一間滿足到你！
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
