按摩店推介 | 就算生活同工作幾繁忙都好，都要為自己叉叉電，當中最簡單嘅方法就係去按摩，舒緩工作壓力！小編為大家整合咗15間香港按摩店，最平$68就可以體驗，等大家可以喺假期嘅時候放鬆下～
圖片來源：Facebook@Divine Health & Massage、梔 Zi Massage & Wellness 、沐舍、癒所按摩 Yu House Massage、沐館 moood massage、小丘Mount Massage、沐日 Time Off Massage、Once massage ｜ 一沐、浮生按摩 Float Massage、klook、Instagram@shh.ltd、cincam_c.c | 撰文：Hedy
香港按摩店推介 | 1. Divine Health & Massage
晨殿按摩養生Divine Health&Massage由用料到設計都係採用泰國殿堂精品式概念，分別設有主打曼谷風嘅九龍城總店以及清邁風嘅何文田分店。一入到去就已經感受到滿滿嘅泰國風情，令大家唔使飛去泰國都享受到一流嘅按摩服務同體驗。再加上全店嘅按摩師都係全職培訓及經驗豐富泰國按摩師，令大家一試正宗嘅泰式按摩包括泰式足底按摩、穴位按摩、精油穴位按摩、泰式芳香精油按摩以及傳統泰式按摩等等，50分鐘嘅足底按摩收費為$288～
【INFO】 《晨殿按摩養生Divine Health&Massage》 營業時間：中午12:00至晚上23:00 地址：九龍城南角道35B地下（九龍城）；何文田太平道2號地鋪（何文田） 查詢及預約：26561688（九龍城）; 37098342（何文田）; 98866401 (Whatsapp) 官方網站：https://bit.ly/3Q47JNg
香港按摩店推介 | 2. 梔Zi Massage & Wellness
梔Zi Massage & Wellness提供全新泰式按摩服務，環境舒適之餘，店舖更充滿雞蛋花嘅香味，行入去就令人感到放鬆和療癒。除咗足部按摩、精油按摩、淋巴排毒按摩之餘，更有泰式古法按摩以及草球按摩等等，價錢由$358起，每項按摩項目都係由泰國本地師傅進行。
【INFO】 《梔Zi Massage & Wellness》 營業時間：星期一至星期五：中午12:00至晚上23:00；星期六至星期日：中午12:00至晚上22:00 地址：九龍旺角登打士街56號家樂坊21樓2103室 查詢及預約：https://bit.ly/3Jj52DT 官方網站：https://bit.ly/3Ui99Xe
香港按摩店推介 | 3. 沐舍
沐舍以大型月亮裝飾為特色，令大家與沐浴在月光下，療癒身心。由經驗豐富嘅泰國按摩師、痛症理療師和專業美容師，為大家提供一站式嘅按摩、痛症治療以及美容護膚療程等等。店舖提供多項皇牌之選，當中包括頭肩頸按摩、人手淋巴引流排毒以及女士皇牌護理等等，顧及全身疲勞需要，為大家深層放鬆，最平$108可以享用15分鐘嘅頭肩頸按摩。
【INFO】
《沐舍》
營業時間：早上11:00至晚上12:00
地址：尖沙咀加連威老道27號地下B舖(尖沙咀)；灣仔協成行灣仔中心地下A舖(灣仔）
查詢及預約：94442671(尖沙咀)；94446568(灣仔）
官方網站：https://bit.ly/3VYbHuT
香港按摩店推介 | 4. 癒所 Yu House
為咗能令大家嘅身心靈同時得到療癒，癒所提供一系列按摩以及身心靈療程如喜馬拉雅頌缽、占卜、阿卡西記錄等。繁忙嘅生活都可以透過頌缽音療，讓大家放慢下來～除咗可以體驗足底按摩，更可以試試有機香薰精油脈輪平衡按摩，透過揀選自己喜愛嘅精油有助放鬆，隨時令你喺按摩嘅過程中舒服到訓著。
【INFO】 《癒所 Yu House 》 營業時間：星期一至星期日 早上11:00至晚上22:30 地址：上環皇后大道中228號聯業大廈21樓 查詢及預約：55968296 (Whatsapp) 官方網站：https://bit.ly/3UgP0R5
香港按摩店推介 | 5. shh cafe and massage
shh cafe and massage主打小清新風格，以大地色為主調，將咖啡店以及按摩店集於一身，上層為按摩店下層就為Cafe，等大家按摩完之後都可以落去享用美食，無論係午餐、下午茶定係晚餐都有，食物賣相更係相當吸引～除咗有無水頭療、全身淋巴排毒按摩及推油按摩之外，更專為孕婦推出孕婦按摩！
【INFO】 《shh cafe and massage》 營業時間：早上11:00至晚上22:00 地址：佐敦柯士甸道144號地下及一樓(尖沙咀)；黃泥涌道139號地下(銅鑼灣)；沙田新城市廣場一期UB05(沙田) 查詢及預約：62333210(尖沙咀)；63560050(銅鑼灣)；52287989(沙田) 官方網站：https://bit.ly/43XsVug
香港按摩店推介 | 6. 沐館
以簡約木系風格嘅沐館為大家帶嚟按摩、足浴以及養生體驗，令大家可以喺超過2000平方呎嘅空間放鬆。由資深按摩理療師提供足底按摩、全身按摩、頭肩頸、熱石、磁叉按摩等養生療程，最平$68就可以體驗10分鐘頭肩頸按摩，價錢合理。
【INFO】
《沐館》
營業時間：早上11時至晚上11時
地址：銅鑼灣廣場一期地下G19號地舖(銅鑼灣) ; 金巴利道54號地舖(尖沙咀)
查詢及預約：56016633(銅鑼灣Whatsapp)；56016622(尖沙咀Whatsapp)
官方網站：https://bit.ly/3UgPlDl
香港按摩店推介 | 7. 小丘 Mount Massage
只有按摩體驗未必能滿足繁忙嘅都市人，小丘Mount Massage除咗提供按摩之外，亦有採耳、熱石暖宮及排毒去水腫等體驗，為大家展開一個全面又舒適嘅養生體驗。除咗可以單選按摩項目外，更可以選擇唔同嘅組合例如小休組合、滋養身心組合以及極緻享受組合等等。按摩完仲可以嘆熱茶同食碗糖水，令你身心都滿足～
【INFO】 《小丘Mount Massage》 營業時間：早上11時至晚上11時 地址：九龍城福佬村道27號地下 查詢及預約：https://bit.ly/4awImfp 官方網站：https://bit.ly/4cVJ33u
香港按摩店推介 | 8. THANN Sanctuary
THANN Sanctuary被國際權威旅遊雜誌Condé Nast Traveler選為全球55間最佳SPA之一，全店均採用THANN純天然嘅SPA護理產品，體驗傳統泰國SPA！當中有特色經典按摩、芳香按摩、古印度按摩以及泰式草球按摩等等。
【INFO】
《THANN Sanctuary》
營業時間：早上10:00至晚上22:00
地址：尖沙咀廣東道11號海港城世界商業中心10樓1009-1011室/ 銅鑼灣勿地臣街3號 Art Piece 10樓 /尖沙咀梳士巴利道18號Victoria Dockside K11 MUSEA 2樓209號舖/九龍塘達之路80號又一城UG層03號舖
查詢及預約：37174397
官方網站：https://bit.ly/3Q04zKo
香港按摩店推介 | 9. BAKU八古
位於西貢嘅BAKU八古為全球獨家沖繩琉球及泰國按摩體驗，集合SPA、VIP LOUNGE以及BAR於一身，當中設有6間私人水療室，採用自家研發嘅按摩油，為大家提供各種按摩水療服務。按摩完更可以喺天台嘆杯咖啡，超寫意！
【INFO】
《BAKU八古》
營業時間：上午12:00至晚上21:00
地址：白沙灣碼頭 路口 橙屋
查詢及預約：8489 6987
官方網站：https://bit.ly/49Dtnik
香港按摩店推介 | 10. 沐日 Time Off Massage
繁忙嘅都市人成日都坐喺Office，而按摩就可以預防久坐帶嚟嘅不適。沐日Time Off Massage提供全面按摩療法，包括穴位按摩、香薰推油、泰式按摩以及熱石舒緩療法等等，45分鐘嘅足底按摩都只係$208，不妨一試！
【INFO】
《沐日Time Off Massage》
營業時間：星期一至日 早上11:00時至下午10:00
地址：炮台山電氣道180號百家利中心10樓01室
查詢及預約：90478094(Whatsapp)
官方網站：https://bit.ly/3vGyS28
香港按摩店推介 | 11. 千尋Massage
千尋Massage位於尖沙咀山林道，2層高嘅按摩店佔地超過4000呎。上層以淺木系色調為主，並以日本庭園為主題，下層就以台灣茶園為主題。店舖有齊足底按摩、香薰推油、淋巴排毒及磁叉按摩等，最特別嘅係當中嘅招牌特色頭療以及罕見發熱砭石按摩。
【INFO】 《千尋Massage》 營業時間：星期一至星期日中午12:00至晚上23:00 地址：尖沙咀山林道41號俊源大廈G/F & 1/F 查詢及預約：https://bit.ly/3GkIqTe 官方網站：https://bit.ly/49RYI1b
香港按摩店推介 | 12. Sense Beauty Spa
以現代中式風格用暖色及橡木色為主調設計，一入去就帶畀人一種舒適嘅感覺。Sense Beauty & Spa提供各種專業養生、保健及美容服務，當中包括復方經絡按摩、養生岩盤浴、排毒水療、美容護理，各種養生按摩及纖體服務等。而且店舖更有5間分店，可以盡情喺唔同嘅分店放鬆～
【INFO】 《Sense Beauty Spa》 營業時間：中午12:00至晚上21:00 地址：九龍觀塘巧明街115號柏秀中心9樓A-B室；上環文咸東街22-26號柏廷坊15樓；尖沙咀金馬倫道2-4號利達行8樓全層；將軍澳新都城二期地下G16號舖；銅鑼灣恩平道44-48號恩平中心21樓全層；旺角彌敦道685號美美大廈3樓 查詢及預約：93190408(Whatsapp) 官方網站：https://bit.ly/3VYbHuz
香港按摩店推介 | 13. Once massage 一沐
如果想針對腳底按摩就可以去一沐Once Massage，養生足底穴位按摩專門店，店舖入面嘅按摩師更係精通足部穴位跟腱，絕對可以令你好好放鬆身體。
【INFO】
《Once massage 一沐》
營業時間：星期一至日 中午12:00至下午22:00
地址：尖沙咀梳士巴利道18號2/F Shop 208Swatch K11 MUSEA
查詢及預約：63663611
官方網站：https://bit.ly/3VZpOzT
香港按摩店推介 | 14. 浮生按摩 Float Massage
浮生按摩以大自然五行為主題，世外桃源裝潢為主調，更有由註冊香薰師精心調製嘅「五行精油」。店舖推出頭肩頸按摩、泰式草球按摩、淋巴排毒按摩以及五行香薰按摩，30分鐘嘅頭肩頸按摩售價為$198，為大家釋放壓力！
【INFO】 《浮生按摩 Float Massage》 營業時間：星期一至日 中午12:00至晚上24:00 地址：天后永興街2A-2E地下A鋪；西灣河鯉景灣太康街55號地下 GA11-12A 查詢及預約：60252028(Whatsapp)/ 52902089(Whatsapp) 官方網站：https://bit.ly/3U19cW0
香港按摩店推介 | 15. 悟空SPA
被譽為日本業界「全国人氣NO.1」嘅日本神級按摩店「悟空SPA」喺今年年1月殺入香港，其獨創21式神級按摩技術，以點、壓、按、拉等手勢令大家隨時喺10分鐘入面訓著，體驗愉悅睡眠。
【INFO】 《悟空SPA》 營業時間：星期二至五中午12:00至晚上21:00；星期六及公眾假期中午12:00至晚上20:00（星期一、日 休息） 地址：旺角朗豪坊辦公大樓52樓 查詢及預約：2587 7112 官方網站：https://bit.ly/4aTDIHZ
按摩店推介 | 16. 森沐
沙田一間過萬呎嘅森林系療癒空間，特設40多項按摩美容養生項目，當中包括足部按摩、中式穴位推拿、日式香薰按摩、淋巴引流排毒、電磁叉排酸按摩等。全店共有35間按摩房，包括雙人房、單人房、三人房及女賓專用嘅3間Spa房等，等大家都可以享受到獨立嘅「度假級」治癒空間。
【INFO】
《森沐》
營業時間：星期一至日上午09:00至晚上23:00
地址：沙田石門京瑞廣場2期地下G28-29號鋪
查詢及預約：https://bit.ly/3Jpnafb
官方網站：https://bit.ly/3xDbnrh
延伸閱讀：【新開渡假風按摩店「 森沐 」小編實試報告！招牌佛陀式頭療、$262嘆足75分鐘】
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
