近年Glamping大受歡迎，唔少人放假都會約齊朋友或者同另一半嚟一趟Glamping露營之旅！親親大自然之餘，仲可以同朋友增添多一個美好嘅回憶~ 無論喺元朗、大嶼山定昂坪都有露營Glamping體驗，除咗可以免費玩獨木舟、人體衝浪板，仲有BBQ提供畀大家添，快啲入內文睇下小編有咩好介紹啦！
圖片來源：KLOOK、Holimood｜撰文：Sharon
1. 牧緣田里悠然6米星空營
全港罕有嘅梯田營地，令大家置身喺台灣山區一樣，喺香港都可以去旅行嘅感覺，最適合帶埋小朋友嚟感受大自然嘅氣息，遠離繁忙嘅都市生活！父母仲可以同小朋友一齊親自動手紮營，體會真正嘅露營~ 牧緣田里分為梯田露營區、星空營豪華露營區及印第安營豪華露營區，提供多個選擇畀大家。
有多個免費設施提供，包括洗手間、即熱式熱水淋浴間、共享冰箱、廚用鋅盤。當然唔少得小朋友天地啦，有遊玩滑梯設施、單車、巨型彈床同租借瑜珈墊，小朋友肯定玩到唔捨得走啊！
6米星空營環境超大，觀星營內日系簡約風設計，上方仲有一扇透明天窗，夜晚嘅時候仲可以睇星星，勁有feel啊~
【INFO】
牧緣田里6米星空營(4人)
星期日至四費用：HKD 2,400 (每晚)
星期五，六及日費用：HKD 2,700 (每晚)
公眾假期及公眾假期前夕費用：HKD 2,700 (每晚)
*大小同價，人數按人頭計算
2. YHA昂坪圓帳營豪華露營體驗
上昂坪唔一定係為咗去昂坪360嘅！YHA嘅圓帳營帶有波希米亞風，大家仲可以帶埋三角小彩旗、LED串燈等裝飾佈置帳營！另外，大家亦無須親自搭帳營，營地提供咗枕頭、床鋪、充氣睡墊、營燈同小茶几，輕鬆體驗野外露營~ 就算落雨都唔怕，因為帳營用上防水防潮嘅帆布；同時都有唔同類形嘅紙牌棋盤遊戲、廚房同浴室畀大家。
順便去埋天壇大佛、寶蓮寺、心經簡林、昂坪市集等景點都無問題，離營地只有短短5-10分鐘步程，附近仲有昂坪棧道、彌勒山等多條熱門登山徑，上山欣賞靚靚日出都係一個唔錯嘅選擇㗎！
【INFO】
YHA昂坪圓帳營豪華露營體驗（4人）
地址：香港大嶼山YHA昂坪戴維斯青年旅舍
3. 白泥部落星空營 (2-4人)
位於錦田嘅全新豪華露營營區，有3種種帳營供選擇，包括部落營，帆船營同星空營。每個帳營有冷暖氣、風扇、風筒、電陶爐、電熱水煲，仲有熱水爐提供添！最特別係歡迎寵物入住，各位主人可以帶埋愛犬一齊嚟體驗！另外仲有小量免費遊玩設施，例如巨型彈床、充氣嬉水池等。另外有水管遊戲墻，撞撞球需另外收費，大人細路都啱玩！
另外備有燒烤爐，大家否以自行攜帶食物燒烤，但需要額外付租爐費$150/個或使用開放式廚房煮食！營地有停車位，位置先到先得。一個營包一個免費車位，如超出一架無論是否過夜都收取$150費用。
【INFO】
白泥部落星空營
售價：＄2000（2-4人）
4. 浪高長岸豪華露營/ 露營車+水上活動體驗
如果有多少少預算嘅朋友可以考慮呢個豪華露營，可以喺露營車上感受露營體驗，真係別有一番滋味！
有多個免費設施可以用，想消消暑玩水上活動嘅朋友可以挑戰獨木舟、人體衝浪板、初級滑浪板(軟身)、直立板 (*不包括教練)；另外仲有排球、桌球台、兒童戶外跳彈床(營區)及兒童滑梯(營區)添！
食物方面，大家可以依優惠價買升級BBQ套餐，喺營地燒烤，或者去中心旁嘅餐廳，3餐喺度搞掂都無問題！
【INFO】
浪高長岸豪華露營/ 露營車+水上活動體驗
售價：$1329起（3人）
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
