Duffy與好友主題快船登場！30分鐘即到迪士尼+船上有過百隻水手造型公仔！

萌粉們注意！由即日起至6月30日，新渡輪推出全港首創「Duffy與好友主題快船」，新航線連接中環6號碼頭直達迪士尼碼頭，只需約30分鐘即可由港島直達香港迪士尼樂園！船内外設有Duffy與好友春日主題佈置，包括坐喺船上各處嘅巨型Duffy與好友和米奇毛公仔，仲有超過100隻Duffy與好友和米奇毛公仔！

圖片來源：官方圖片｜撰文：Sharon

新渡輪首推「Duffy 與好友主題快船」，主題快船内外均設有Duffy與好友春日主題佈置，全船各處特別佈置咗超過100隻Duffy與好友和米奇毛公仔！換上可愛水手造型嘅小可愛將全程陪伴大家展開海上旅程，360度盡情打卡合照！此外，船内更會播放Duffy與好友主題影片！

另外，旅客登船前喺中環6號碼頭即可換領Duffy與好友主題乘船紀念卡。紀念卡設有兩款不同設計，將隨機派發，送完即止。攜乘船紀念卡於中環6號碼及船上收集主題印章，亦可親手打造專屬嘅乘船紀念卡，為旅程留下獨一無二的回憶。此外，遊客購買「Duffy與好友主題快船」來回船票的套餐，更可獲香港迪士尼樂園20周年奇妙派對「Duffy與好友購物袋」！

另外，新渡輪仲推出Giveaway抽獎活動！由即日起，追蹤新渡輪的Instagram官方帳號（@sunferryservices），於指定貼文讚好並分享留言，即有機會贏取主題快船免費來回船票乙套 。活動共設有10個得獎名額！

【票價詳情】

單程船票： 每位 $100（平日）／ $120（週末及公眾假期）

來回船票： 每位 $200（平日）／ $240（週末及公眾假期）

【INFO】
「Duffy與好友主題快船」航線
日期：即日起至2026年6月30日
航線：中環6號碼頭來往迪士尼碼頭
航行時間：約30分鐘
中環6號碼頭啟航時間：早上10時及晚上7時45分
迪士尼碼頭啟航時間：早上11時30分及晚上9時30分

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk