恐龍迷注意！今個夏天，AIRSIDE將化身史前恐龍世界，驚心動魄嘅嘶吼聲傳遍全城！二樓中庭建構侏羅紀世界，將最新電影《侏羅紀世界：重生》當中三大重要場景，以逼真技術於AIRSIDE重現，包括高達3.5米嘅泰坦巨龍、棘龍以及風神翼龍！即睇內文了解更多啦！
圖片來源：官方圖片｜撰文：Sharon
由6月27日至7月27日，AIRSIDE二樓中庭舉行「《侏羅紀世界：重生》地球極危禁地」，齊齊投入沉浸式恐龍世界，置身三大互動場景！當中三大電影場景有三大巨龍坐鎮，包括隱藏於樹林當中，高達3.5米嘅泰坦巨龍、從水潭突然撲出並霸氣咆哮嘅棘龍，以及正在守護恐龍蛋嘅風神翼龍。
第一關卡「陸」場景：森林中嘅泰坦巨龍
泰坦巨龍身長達21米、正隱藏於樹林當中，如果要踏上木吊橋，就要穿過茂密嘅樹林，避開泰坦巨龍！
第二關卡「海」場景：與棘龍嘅禁島冒險
棘龍屬於最大型兩棲肉食性恐龍之一，身長可達12米、高逾4米！大家必須避開水中蟄伏嘅棘龍，先可以安全穿越水潭。
第三關卡「空」場景：風神翼龍互動裝置
風神翼龍翼展長達9米，屬於地球史上已知最大型飛行動物之一，牠將鎮守第三關卡！古蹟中央正正係翼龍巢穴，當中仲有翼龍產下嘅一堆恐龍蛋！
7月1日電影《侏羅紀世界：重生》將會正式上映，大家可以喺率先嚟到AIRSIDE感受不一樣嘅恐龍世界！恐龍迷千祈唔好錯過喇！
【INFO】 《AIRSIDE ｘ 環球影業 聯手特別呈獻「《侏羅紀世界：重生》地球極危禁地」》 地點：AIRSIDE 2樓中庭 日期：6月27日至7月27日 時間：10:00 - 22:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
