AIA嘉年華2021！中環超巨型摩天輪+多個攤位遊戲 玩盡充氣滑梯/跳彈床/碰碰車

AIA嘉年華番黎啦！細細個每年必去嘅大型攤位遊戲一定非佢莫屬，最近大型夏日嘉年華「盛夏摩天輪」已經於中環海濱正式開幕～由即日起至2021年9月12日，多款機動同攤位遊戲都係度等緊大家！大會仲準備左超過30萬隻毛公仔比大家做獎品，想知到底有咩一家大細都岩玩，即刻睇小編介紹同門票代幣詳情啦！

圖片來源： 香港摩天輪及AIA Vitality公園｜撰文：Candice

今次「盛夏摩天輪」主題活動，除左一定要坐嘅超巨型摩天輪之外，場內仲特設多個老少咸宜嘅機動同攤位遊戲！當中包括碰碰車、充氣滑梯、跳彈床、旋轉木馬，無論係親子、情侶定朋友一齊黎都可以玩得盡興！

夜遊嘉年華氣氛更好，影出黎嘅相好似去左旅行一樣！

跳彈床就算係小朋友都一樣玩得，全程有安全繩同工作人員睇住，大家可以玩得安心～

攤位遊戲又點少得最精典嘅投籃遊戲呢！各位女朋友見到有想要嘅毛公仔，記得叫男朋友幫你贏番黎同順便一展身手啦～

除左以上4大必玩遊戲設施，嘉年華場內亦設有20大奇幻動物派對主題影相位！包括迷幻大猩猩、邁阿密紅鶴舞池、DISCO獨角獸同多隻侏羅紀公園恐龍模型，見到小朋友玩得咁開心，各位家長今個暑假都快D帶埋自己嘅仔女一齊去啦～

活動門票可以係網上預購，嘉年華星期一至日都照樣開放，大家有興趣就要快d去買飛啦～

【INFO】

「盛夏摩天輪」

按此購買門票：https://bit.ly/3A9kbkA

————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/