今個7月有唔少免費搭車日啊！繼早前7號就有為慶祝MIRROR成員Anson Lo生日而舉辦咗免費搭天星小輪活動，不過錯過咗嘅朋友仔唔使失望，因為嚟緊仲有三大免費搭車日等緊你！包括電車，天星小輪同巴士都有份㗎！想知道有邊幾日係免費搭車日就要睇埋落去啦！
圖片來源：網絡圖片、Facebook@Hong Kong Tramways香港電車、大新銀行、Facebook@富途證券｜撰文：Claudia
免費搭車日 1- 免費搭電車（7月11日）
香港建造商會為慶祝七月中華人民共和國香港特別行政區成立 25 周年嘅日子，舉行「建造商會叮叮樂」電車免費乘車日，喺7 月 11號請大家免費免費「遊電車河」，大家可以享受無限次免費乘搭電車，全日任搭電車！
【INFO】 「建造商會叮叮樂」電車免費乘車日 日期：2022年7月11日（星期一） 路線：全港電車路線
免費搭車日 2- 免費搭天星小輪（7月24日）
大新銀行為咗慶祝成立75周年，喺7月24號星期日舉辦「周日天星小輪免費乘搭日」，市民可以喺上午6:30至夜晚11:30任搭中環往返尖沙咀路線，機會難得仲唔快啲約埋朋友仔喺日暢遊九龍同港島嘅景點加美食！
嗰日除咗可以搭天星小輪之外，仲可以睇到同本地毛綫塗鴉藝術家聯手以「豐盛傳承灌溉未來」為主題的創意公共藝術作品。會喺天星小輪中環和尖沙咀上層碼頭同多間大新銀行分行内展出。
【INFO】 週日天星小輪免費乘搭日 日期：2022年7月24日（星期日） 時間：上午6:30至晚上11:30 路線：中環往返尖沙咀
免費搭車日 3- 免費搭巴士（即日起至2023年6月）
富途證券宣布同城巴新巴合作推出「一年港人免費乘坐巴士計劃」，由即日起至2023年6月期間嘅每個星期五，都會有特別設計嘅「牛牛巴士」指定路線，巴士車身會換上特別嘅主題設計，一眼就分辨到，只要係坐特別設計嘅指定牛牛巴士，即可免費乘搭！「牛牛巴士」每個月都會有唔同路線，而7月份嘅路線就係由城巴來往灣仔及荃灣嘅過海路線930號，其後嘅路線會陸續喺富途嘅官方Facebook更新，大家記得留意啦！
【INFO】 「一年港人免費乘坐巴士計劃」 日期：即日起至2023年6月（逢星期五） 7月份路線：來往灣仔及荃灣嘅過海路線930 富途證券Facebook：https://bit.ly/3Azvt4T
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
