新年好去處2026 | 鍾意水怪嘅朋友唔好錯過喇！今個農曆新年，有全港首度呈獻HANGYODON新春限定主題商場裝置，有齊4大開運主題打卡區及2大互動玩樂區，即刻入內文睇詳情喇！

圖片來源：官方圖片 | 撰文：Hedy

MOSTown新港城中心首度聯乘人氣Sanrio角色HANGYODON，由1月23日至3月3日期間呈獻「MOSTown 新港城中心 x HANGYODON風生『水』起花庭園」。開運福星HANGYODON換上4款和風新春造型，帶領大家暢遊4大開運主題打卡區及2大互動玩樂區！

新年好去處 | 4大開運主題打卡區

  • 「新春招運達摩HANGYODON」

「新春招運達摩HANGYODON」率先喺和風庭園入口親切迎賓，園內粉紅花海襯托翠綠茂竹，寓意新一年「步步高陞」。

  • 「HANGYODON花開富貴祈願花圃」

招福貓造型嘅HANGYODON置身於粉紅風車花海之中，象徵好運流轉、福氣綿延，齊齊轉動粉紅風車花，迎接新一年風生水起！

  • 「新春『撈起』花手水」

將日本神社以花卉裝飾淨手池的嘅傳統，巧妙融合新春祈願納福元素，打造文化與祝福交織嘅全新體驗。

  • 「HANGYODON『魚』意吉祥橋」

身披華麗金線羽織、手持燈籠嘅HANGYODON，陪伴大家欣賞整個和風花庭園嘅怡人景致。而吉祥橋上更特設「『睛睛』日上祈願繪馬牆」供大家祈願。

新年好去處 | 2大互動玩樂區

  • 「開運轉轉釣魚」

想來年事事「魚」意、順風順水，就不容錯過「開運轉轉釣魚」玩樂區，展現你敏捷嘅身手喇！H．COINS會員以電子貨幣即日消費滿HK$500，即可換領「開運轉轉釣魚」玩樂區入場證^乙張，釣得到指定數量的幸運魚兒更有機會獲得獨家HANGYODON開運禮品^乙份。

  • 「HANGYODON如魚得水溫泉風呂」

6米高「HANGYODON如魚得水溫泉風呂」，HANGYODON與好友SAYURI悠閒地享受溫泉時光。行入風呂並啟動溫泉裝置，更可細聽HANGYODON親口送上嘅新春祝福。

【INFO】
《「MOSTown 新港城中心 x HANGYODON 風生『水』起花庭園」》
日期：2026年1月23日至3月3日
時間：
主題打卡區：10:00至22:00
主題互動玩樂區：星期一至五14:00至18:00；星期六、日及公眾假期12:00至20:00
地點：MOSTown新港城中心L2天幕廣場（港鐵馬鞍山站B出口）

新年好去處 | 期間限定店

MOSTown新港城中心2天幕廣場特設「HANGYODON新春期間限定店」發售10款人氣會場獨家新品包括：實用家品、電話吊飾、毛絨公仔，以及多款HANGYODON日本限量精品。同場搜羅逾200款HANGYODON及人氣Sanrio characters新春精選商品。

+9
【INFO】
《HANGYODON新春期間限定店》
日期：2026年1月23日至3月3日
時間：12:00至20:00
地點：MOSTown新港城中心L2天幕廣場（港鐵馬鞍山站B出口）

新年好去處 | HANGYODON限量別注版賀年套裝

MOSTown新港城中心聯乘HANGYODON獨家推出兩款限量別注版賀年套裝：「如『魚』得水賀年套裝」及「風生『水』起尊貴賀年套裝」，每盒有8封商戶禮遇連賀年小卡利是，用手機輕鬆掃瞄期間限定商戶禮遇二維碼，即有機會獲取商戶新春優惠^，盡享商場內的餐飲及潮流生活等消費樂趣，齊齊豐衣足食迎新歲！驚喜豈止於此，利是內之「HANGYODON賀年小卡」共有8款，每封利是內都藏有滿滿祝福，趣味十足！H．COINS會員由2026年1月23日至3月3日，憑指定即日電子貨幣消費即可換領指定賀年套裝^。

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk