聖誕好去處 | 今個聖誕同除夕夜，大家Ready好節目未呢？太古城中心冰上皇宮為大家送上一系列精彩活動狂歡，喺十二月期間帶來「冰之夜祭」，活動包括聖誕冰上匯演及冰上倒數派對，同大家一齊喺冰上共慶佳節！除咗有多場精彩花式溜冰表演，除夕夜仲邀請到人氣男歌手mansonvibes張進翹、演員兼歌手Zeno顧定軒同獨立樂隊Kowloon K現身獻唱！另外，當晚仲有過百份豐富獎品等大家，包括台北雙人來回機票連三日兩夜住宿，依家上Klook買飛報名參加仲有二人同行八折優惠！即睇內文了解詳情啦～
圖片來源：官方圖片｜撰文：Sharon
冰之夜祭：第一章 – 冰上皇宮聖誕冰上匯演
聖誕冰上匯演為太古城中心冰上皇宮「冰之夜祭」揭開序幕！一連兩星期為大家帶嚟精彩花式溜冰表演，想睇高難度跳躍同旋轉嘅世界級完美示範就一定唔可以錯過！
特邀國際星級花式溜冰好手到場，包括美國全國花式溜冰冠軍、三屆世界冠軍花式溜冰團隊成員同兩次ISU大獎賽獎牌得主Ryan Bradley；五度獲得溜冰國際賽事金牌、1998年度世界職業花式溜冰錦標賽銅牌得主Craig Thomas Heath；以及一眾冰上皇宮溜冰學校嘅精英學員施展渾身解數大顯身手！相信一定會為大家帶嚟不一樣嘅視覺享受！
【INFO】 《太古城中心冰上皇宮聖誕冰上匯演》 地點：太古城中心一樓太古城中心冰上皇宮 日期：12月22日至12月24日 時間：17:15 - 18:00 費用：全免
冰之夜祭：第二章 – 冰上皇宮冰上倒數派對
除咗聖誕冰上匯演，今年仲復辦冰上倒數派對，請嚟歌手同樂隊一同獻唱，包括《全民造星》人氣男歌手mansonvibes張進翹、新世代演員兼歌手Zeno顧定軒與本地新晉獨立樂隊Kowloon K！配合光影交織，展開一場音樂派對，場內仲有小食同飲品，可以一邊聽音樂一邊享用～
當晚更會送出過百份獎品，包括「台北雙人來回機票連三日兩夜住宿」、「免費半年溜冰貴賓咭」、「免費單堂溜冰課程」等，獎品非常豐富！參與派對人士即送太古城中心冰上皇宮限定tote bag及太古城中心冰上皇宮買一送一入場券乙張。踏入2024年一刻，將以balloon drop形式灑落氣球，大家可以喺冰上大螢幕迎接倒數時刻，將氣氛推至最高點！咁多精彩節目，大家都快啲約朋友或者屋企人啦，二人同行仲有八折優惠！
*推廣生意的競賽牌照號碼: 57970 (只適用於抽獎活動)
*當中4份獎品將透過抽獎獲得，其餘100份獎品將透過遊戲換領獲得
【INFO】 《太古城中心冰上皇宮冰上倒數派對》 地點：太古城中心一樓冰上皇宮 日期：12月31日 時間：21:00 - 00:10（音樂表演由22:00-00:00） 預購活動網站：https://bit.ly/3Rbp72m
