今年中秋節，灣仔利東街呈獻「喜魚映花月」綵燈會，由即日起至10月26日，逾800盞中式傳統及金魚燈籠將會點亮整條利東街！另外，中秋節當日更帶來「LED火龍舞鼓賀中秋」，郭氏功夫金龍醒獅團將舞動18米長嘅幻彩夜光火龍，穿梭於利東街林蔭大道，齊齊感受傳統節日氣氛！即睇內文了解更多！
圖片來源：官方圖片｜撰文：Sharon
由即日起至10月26日，灣仔利東街呈獻「喜魚映花月」綵燈會，逾200米長嘅林蔭大道將懸掛超過800盞五彩繽紛嘅中式傳統燈籠，今年更特別引入寓意富貴與繁榮嘅金魚燈籠，燈籠魚身閃耀生輝，其魚尾舒展如花瓣綻放，隨風輕曳，喺光影間流轉斑斕色彩，匯聚成璀璨彩燈海，寓意著「年年有餘」、「花好月圓」！
另外，今年由郭氏功夫金龍醒獅團全力呈獻嘅「LED火龍舞鼓賀中秋」將回歸利東街！一條全長18米、綴滿幻彩燈光嘅LED夜光龍將躍現利東街，配合震撼噴煙效果及追珠互動，令火龍舞動時更加靈動恢弘、栩栩如生！表演將於中秋節當晚利東街中庭出發，沿皇后大道東舞動至莊士頓道入口，再返回中庭，全程約45分鐘。巡遊途中，更設有多個定點表演環節，大家千祈唔好錯過！
【INFO】 《利東街中秋呈獻「喜魚映花月」》 地點：灣仔利東街 日期：即日起至10月26日 時間：10:00 - 23:00（每日17:00亮燈） *中秋節正日（10月6日）、逢星期五至日及公眾假期，亮燈時間將延長至00:00 《LED火龍舞鼓賀中秋》 地點：灣仔利東街 日期：10月6日 時間：20:30 - 21:15
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
