7月好去處 | 小朋友嘅暑假又準備開始啦，唔想淨係幫小朋友報名上興趣班同補習，放假嘅時候都要帶佢哋出去放電輕鬆下～小編已經幫大家整合咗20大7月好去處，等小朋友都可以過一個開心嘅暑假！
圖片來源：官方圖片 | 撰文：Hedy
7月好去處 | 1. JumptopiaTM盛夏彈跳運動會 東港城
暑假一定要幫小朋友安排活動大玩特玩，東港城與新加坡大型兒童室內遊樂場品牌Kiztopia攜手合作，打造出東港城 x Kiztopia JumptopiaTM 盛夏彈跳運動會，6.5米高嘅巨型充氣樂園將會化身彈跳運動會，體驗田徑、足球、籃球、運動攀登、馬術等運動元素。全長80米嘅障礙跑道，絕對可以考驗小朋友嘅體力同耐力。仲有小朋友最愛嘅波波池，大家更可以將逾10,000個波投籃到籃球架上，超多體驗活動等大家體驗！
【INFO】 《JumptopiaTM盛夏彈跳運動會 東港城》 日期：即日起至2024年7月24日 時間：上午11時至晚上8時（每日9節，每節50分鐘） 地點：將軍澳東港城一樓中庭 收費：$88（平日門票）、 $118（周末及假日門票） 購票連結：https://bit.ly/4eDKSmt
7月好去處 | 2. 《Nintendo Switch 盛夏遊樂節》 D‧PARK
有玩開Switch嘅朋友注意啦！全港首個最大型Nintendo遊戲體驗區將會登陸D‧PARK愉景新城，當中商場中庭逾9,000呎嘅空間將會打造成唔同遊戲例如《碧姬公主 表演時刻！》、《紙片瑪利歐RPG》、《瑪利歐vs.咚奇剛》、《瑪利歐賽車8豪華版》嘅試玩專區！就連6月底發售嘅《路易吉洋樓2 HD》都可以畀大家搶完免費玩，場內亦有唔同遊戲嘅打卡場景～鍾意任天堂嘅粉絲仲可以喺指定時間見到人氣角色瑪利歐、路易吉及碧姬公主，一齊打卡影相超開心～
【INFO】 《Nintendo Switch 盛夏遊樂節》 日期：2024年7月13日至2024年9月1日 時間：中午12時至晚上8時 地點：D‧PARK L1 中庭 《瑪利歐、路易吉及碧姬公主粉絲見面會》 日期：2024年7月15日至2024年9月1日（逢星期日） 時間：下午1時至5時之間（每日6節，每節20分鐘） 換領方法：於活動現場打卡及上傳打卡照到社交平台，標記@D‧PARKHK即可換領見面會入場券
7月好去處 | 3. SPORTS FIESTA荃灣廣場
無論係大人定小朋友都可以參與荃灣廣場所舉辦嘅SPORTS FIESTA，L1中庭將會設「輕功水上飄競技樂園」繽紛充氣裝置，等小朋友唔使濕身都可以盡情穿梭係七彩嘅障礙物之間，夏天消暑最適合～同場更有與KIDS FIT攜手舉辦「全港兒童追逐運動會」，等小朋友都可以盡情體驗跑步以及障礙賽等多元競技活動。
【INFO】 《「輕功水上飄競技樂園」充氣動樂園》 日期：2024年7月13日至2024年8月11日 時間：中午12時至晚上8時 地點：荃灣廣場L1中庭
7月好去處 | 4. LEGO Bricktopia Citywalk荃新天地
樂高®將與STAYFUN攜手合作推出首個樂高®沉浸式太空冒險遊樂園，喺佔地超過4,000平方尺嘅超現實空間，透過絕美光影互動體驗、顆粒拼砌以及遊戲玩樂等，一齊開展太空探索之旅～樂園特設4大冒險空間，先登上飛船體驗穿越蟲洞嘅滑梯之旅，再體驗埋失重狀態。用鐳射槍去收集能力水晶，最後更可以用樂高顆粒親手建構自己心目中嘅Bricktopia！鍾意太空同樂高嘅小朋友絕對值得入場體驗！
【INFO】 《LEGO Bricktopia》 日期：2024年7月12日至2024年9月1日 開放時間：早上11:00至晚上21:00（每節50分鐘） 地址：荃灣楊屋道1號 Citywalk荃新天地 1期中庭 收費：$119(平日早鳥優惠價）、$149（星期六、日及公眾假期早鳥優惠價）、$129(平日正價）、$159（星期六、日及公眾假期正價） 購票連結：https://bit.ly/4bgVepD
7月好去處 | 5. Splashtopia 愉景灣彈游夏日嘉年華
夏天熱辣辣想真正消暑？新加坡著名親子遊樂品牌 Kiztopia將會喺7月13日至9月1日期間，喺愉景灣舉辦「Splashtopia愉景灣彈游夏日嘉年華」，當中佔地近4萬8千呎，超大型呀！設有9大巨型充氣彈床遊樂區，當中最觸目嘅就係10米高主題滑梯、濕地障礙賽、水上波波池，每節仲可以玩足3個半鐘，一家大細一齊玩水！
【INFO】 《Splashtopia 愉景灣彈游夏日嘉年華》 日期：2024年7月13日至2024年9月1日 開放時間：早上10:00至下午13:30；下午14:30至晚上18:00 （每日2節） 地址：愉景灣大白灣沙灘 收費：$295（1大1小）；$349（2大1小/1大2小） 購票連結：https://bit.ly/4ckTCfC
7月好去處 | 6.「Peppa Pig Treasure Hunt親子互動展」
唔知有冇小朋友好鍾意睇Peppa Pig呢？《Peppa Pig Treasure Hunt親子互動展》以香港為首站，帶大家沉浸式體驗同Pepppa pig嘅探險故事，等大人同小朋友都可以利用相機寶藏探測器，一齊參與探險之旅。完成尋寶之後更可以獲得專屬嘅《我們的家的快樂時光》繪本故事相冊。
【INFO】 《Peppa Pig Treasure Hunt親子互動展》 日期：即日起至2024年9月1日 時間：星期一至五 早上11:00至晚上20:30；星期六、日及公眾假期 早上11:00至晚上21:00 地址：尖沙咀iSQUARE 國際廣場4樓 收費：單人票$125；單人票連寶藏探測器$250；3張單人票連1個寶藏探測器$480；3張單人票連1個寶藏探測器+《我們家的快樂時光》繪本故事相冊 $580 購票連結：https://bit.ly/3RMU1PL
7月好去處 | 7. MCP x KAKAO FRIENDS 玩轉夏日競技場
全港首個近3,000呎KAKAO FRIENDS主題平衡車賽道，一眾小朋友都可以化身成為小車神馳騁賽道，等大家都可以參與夏日盛大運動會！今個暑假MCP新都城中心打造「MCP x KAKAO FRIENDS玩轉夏日競技場」，8位人氣KAKAO FRIENDS成員Ryan、Apeach、Muzi、Frodo、Con、Neo、Tube及Jay-G齊齊出動！除咗有平衡車賽道之外，仲有籃球以及劍擊任務等緊大家，當然唔少得6大打卡位同6米高嘅巨型充氣Ryan登場！
【INFO】 《MCP x KAKAO FRIENDS 玩轉夏日競技場》 日期：即日起至8月10日 時間：早上10:00至晚上22:00 地點：MCP CENTRAL（新都城中心2期）L1天幕廣場
7月好去處 | 8.《100%多啦A夢&FRIENDS》巡迴特展
創意品牌AllRightsReserved攜手Fujiko Pro，主辦全球最大型多啦A夢展覽之一——「100%多啦A夢&FRIENDS」巡迴特展（香港），7月13日起將會喺香港著名地標星光大道暨海濱舉行。展覽亦紀念多啦A夢作者藤子 F 不二雄老師誕生90週年，分為免費及收費展區，將百分百呈現漫畫、動畫及電影嘅多啦A夢世界，部分多啦A夢更「衝出會場」足跡遍全港，總共展出共135組雕塑！大家都可以免費參觀埋期間限定店。
【INFO】 《100%多啦A夢&FRIENDS》巡迴特展 日期：2024年7月13日至2024年8月18日 時間：週一至週四 早上11:00至晚上21:00、週五早上11:00至晚上22:00、週六至週日早上10:00至晚上22:00 地點：尖沙咀K11 MUSEA 6樓
7月好去處 | 9. 名偵探柯南互動展 INCUBASE Arena
各位柯南迷終於都可以一齊體驗《名偵探柯南》劇場版嘅世界啦！《DETECTIVE CONAN THE MOVIE 展～銀幕回顧錄～》為香港首個《名偵探柯南》付費展覽，以劇場版為主題嘅互動體驗，精選咗7個最受歡迎嘅劇場版，重現當中嘅經典場景同角色。同場更有多款熱賣嘅周邊商品，柯南迷絕對唔可以錯過！
【INFO】 《DETECTIVE CONAN THE MOVIE 展～銀幕回顧錄～》香港站展覽 日期：2024年7月10日至2024年9月1日 地點：香港尖沙咀廣東道 30 號 Anima Tokyo 1/F 收費：$168（預售雙人票）、$128（預售特典票）、$138（展期特典票）、$110（展期單人票）、$88（展期學生票） 購票連結：https://bit.ly/4ey8mt8
7月好去處 | 10. 玩轉腦朋友2 Emotion Playpark
隨著韋莉經歷成長階段，情緒變得更複雜，除咗有舊有嘅5位腦朋友阿樂、阿愁、阿驚、阿燥和阿憎之外，今次亦有4位新情緒專員加入，包括阿焦、阿羨、阿厭同阿尷。銅鑼灣時代廣場亦都為《玩轉腦朋友2》建造出Emotion Playpark，等大家可以漫遊喺9大情緒為主題嘅遊樂設施入面打卡！除咗9位腦朋友齊集之外，時代廣場2樓中庭亦都係大腦總部控制室以及腦朋友睡房重地，等大家都可以一齊行入全新出現嘅「自我意識」區域，一齊感受大腦所擁有嘅情緒。
【INFO】
《玩轉腦朋友2》Emotion Playpark
日期：2024年6月27日至2024年9月1日
時間：上午10:00至晚上22:00
地點：銅鑼灣時代廣場露天廣場及2樓中庭
延伸閱讀：【《玩轉腦朋友2》9大看點！戲院主題打卡位+結尾有彩蛋 】
7月好去處 | 11. chiikawa x MINISO主題快閃香港首展
風靡萬千少女少男嘅Chiikawa聯乘MINISO喺香港舉行主題快閃店，更有3D Chiikawa坐鎮期間限定店，仲有機會同Chiikawa、Hachiware同Usagi見面。期間限定店將會發售近百款周邊精品，當中更有又一城獨家發售嘅商品，當中包括坐姿公仔、趴姿公仔、抱枕、睡衣掛飾、疊疊樂公仔以及毛絨雙肩包。每一款都相當得意！
【INFO】
《chiikawa x MINISO主題快閃香港首展》
日期：即日起至2024年7月11日
時間：09:00至22:00
地點：九龍塘達之路80號又一城LG2層
延伸閱讀：【 Chiikawa X MINISO限定店！8大獨家精品+點參加見面會？ 】
7月好去處 | 12. The ONE x 山下菓子PEANUTS™ 多巴胺夏日
今個夏天俏皮嘅Snoopy同埋Olaf將會同大家玩轉沙灘派對，當中更有5大夏日繽紛色系嘅打卡位，一定要同2米高「Chill歎」Snoopy以及慵懶Olaf影相～同場有馬卡龍色療癒毛公仔打卡牆，影相一流！現場玩遊戲更可以獲得多款Snoopy禮品，唔滿足嘅仲可以入手埋超過200款限定嘅精品，當中有50款更係香港獨家發售嘅款式！
【INFO】 《The ONE x 山下菓子PEANUTS™ 多巴胺夏日》 日期：2024年7月19日至9月1日 時間：上午10時至晚上10時 地點：The ONE UG2中庭 《The ONE x SNOOPY™夏日限定士多》 日期：2024年7月19日至9月1日 時間：中午12時至晚上9時 地點：The ONE UG2中庭
7月好去處 | 13. YOHO · KUROMI「The Planet YOHO」
KUROMI將會喺暑假帶同星際艦隊登陸YOHO系商場包括YOHO MALL I 、YOHO MALL II 及YOHO MIX，3大商場將會變成「探險系」主題樂園，打造成充滿Y2K科幻元素嘅「The Planet YOHO」！當中有7大場景畀大家打卡，必影逾9米高嘅「KUROMI宇宙冒險飛船」以及20米長嘅「星空閃爍艦橋」抬頭同夜空光影打卡就啱晒！而姐姐ROMINA更係首次亮相於香港主題大型裝置，各位粉絲萬勿錯過！
【INFO】 《YOHO · KUROMI「The Planet YOHO」》 日期：2024年7月18日至2024年9月1日 時間：上午10:00至晚上22:00 地點：YOHO MALL I中庭、YOHO MALL II 中庭及YOHO MIX 戶外廣場
7月好去處 | 14. 迷你兵團反轉基地 新城市廣場
闊別7年《壞蛋獎門人4》終於都上映啦，睇完戲之後仲可以去埋沙田新城市廣場，帶大家深入7大電影場景感受「特工視覺」，等大家可以一再回味電影入面嘅情節。仲有期間限定店推出最新嘅精品，當中包括各款嘅Figure公仔、玩具、文具、潮流配飾及飾品等。
【INFO】 《迷你兵團反轉基地》 日期：即日起至2024年9月1日 時間：上午11:00至晚上21:00 地點：1期3樓拱型玻璃天幕廣場、1期UB Play Park及3期3樓 《壞蛋獎門人4期間限定店》 日期：即日起至8月11日 時間：中午12時至晚上9時 地點：新城市廣場1期1樓東翼 (近Pizza Express)
7月好去處 | 15. PAW Patrol運動場英雄 屯門市廣場
屯門市廣場由即日起至8月28日期間，逾5,000呎中央廣場化身成「PAW Patrol運動場英雄@tmtplaza」充氣競技運動場。PAW Patrol 中4位人氣英勇小狗救援隊成員Chase、Marshall、Rubble、Skye將會穿梭運動場各個角落，並特設4大遊樂區，等小朋友可以盡情享受運動嘅快樂。當中必玩5米高「勇闖高峰巨型滑梯」，仲有波波池同籃球，率先鍛鍊身體迎接奧運！
【INFO】 《PAW Patrol運動場英雄》 日期：2024年7月11日至2024年8月28日 時間：中午12時至晚上8時 (星期一至五)；上午11時至晚上9時 (星期六、日及公眾假期) 地點：屯門市廣場1期1樓中央廣場 收費：星期一至五$58（25分鐘）$108（50分鐘）星期六、日及公眾假期 $78（25分鐘）$138（50分鐘） 購票連結：https://bit.ly/3XWD4GJ
7月好去處 | 16. Kakao Friends x置富Malls
Kakao Friends將會登陸馬鞍山廣場、天水圍+WOO、紅磡置富都會以及置富第一城舉辦唔同嘅運動，除咗有水運會仲有田徑場、劍擊體操館以及乒乓球等多項運動，鍾意Kakao Friends嘅粉絲絕對唔可以錯過！同場亦可以換領置富 Malls x Kakao Friends活力萌禮，當中包括至萌春植毛巾斗篷及夏日出遊水樽連袋等。
【INFO】
《Kakao Friends x置富Malls》
日期：2024年7月6日至10月20日
地點：馬鞍山廣場 L2 天幕廣場、+WOO 嘉湖 1 期地下大堂、置富都會 L7大堂、置富第一城 地下置富第一園
7月好去處 | 17. Mr. Men Little Miss 迷你運動會
8,000呎巨型充氣樂園登陸荷里活廣場，更有Mr. Men Little Miss人氣角色Mr. Happy、Little Miss Naughty、Mr. Bump、Little Miss Hug等陪大家大玩特玩！除咗可以畀小朋友挑戰7米高「Mr. Happy Fun Slide滑梯及波波池」亦可以行入長達8米嘅波波池盡情玩，仲有超過16米長嘅田徑障礙賽道畀小朋友放電，一次過體驗埋足球同籃球訓練場！
【INFO】 《Mr. Men Little Miss 迷你運動會Plaza Hollywood》 日期：2024年7月19日至2024年9月1日 時間：星期一至日 上午11:00至晚上21:00 地點：鑽石山荷里活廣場 1 樓明星廣場 收費： 星期一至五 $58（25分鐘）$105（50分鐘）、星期六、日及公眾假期 $78（25分鐘）$138（50分鐘） 購票連結：https://bit.ly/4cN32k6
7月好去處 | 18. BT21 Magic Recipe
7位宇宙明星BT21將會以全新形象登場，包括掌管神秘力量嘅魔法師RJ及微醺造型嘅KOYA、SHOOKY、MANG、CHIMMY、TATA與COOKY！「BT21 Magic Recipe」為 BT21今年全新嘅全球企劃，東薈城名店倉有齊7大魔法主題區畀大家行～仲有全球首次發售嘅BT21 Magic Recipe系列香港限定商品，粉絲們絕對唔可以錯過。
【INFO】
《BT21 Magic Recipe 快閃屋》
日期：2024年7月11日至2024年9月1日
時間：中午12:00至晚上21:00
地點：東薈城名店倉二樓鄰近cdf Beauty (274-277號舖)
7月好去處 | 19. 新港城中心 X TOYZEROPLUS X LuLu the Piggy
全港首個5.5米高毛絨版充氣罐頭豬LuLu於新港城中心登場，LuLu豬更會換上多款全新運動造型驚喜現身，場內特設8大運動主題打卡區及3大玩樂挑戰站，歡迎各位「豚」友及運動健兒前來挑戰！場內亦設有100款限定精品，當中全港獨家首賣「罐頭豬LuLu海洋系列 – 50cm大魔鬼魚毛絨公仔」，各位午餐肉們不容錯過！
【INFO】 《新港城中心 X TOYZEROPLUS X LuLu the Piggy》 日期：即日起至2024年8月25日 時間：運動主題打卡區: 上午10:00至晚上22:00；玩樂挑戰站: 中午12時至晚上8時 地點：MOSTown新港城中心L2天幕廣場 《 MOST-OLYMPIGS金牌運動「豚」期間限定店》 日期：即日起至2024年8月25日 時間：上午11時至晚上21:00 地點：MOSTown新港城中心L3 活動區
7月好去處 | 20. 香港迪士尼樂園
暑假絕對要帶埋小朋友去香港迪士尼樂園玩，再住埋酒店享受美好嘅假期。今年除咗繼續有「Pixar水花大街派對！」之外，亦新加入阿燥，就連「奇妙唱遊大冒險」表演都加入咗長髮公主樂佩。鍾意Anna同Elsa嘅朋友更可以參與女王嘅夏日皇室派對，一齊慶祝生日！
【INFO】
《香港迪士尼樂園》
日期：即日起至2024年9月1日
地點：離島大嶼山香港迪士尼樂園
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
