香港水上活動 | 夏日炎炎除咗可以去游水消暑之外，其實香港都有各式各樣嘅水上活動等大家發掘。無論係帶小朋友去玩定係同Friend一齊，都絕對會留下一個難忘嘅回憶，最平$65就可以體驗滑浪風帆，即刻睇睇仲有咩水上活動推薦！
圖片來源：Facebook@Fun Fun 充氣嘉年華、MOP Mermaid Ocean Palace 美人魚館、中國香港滑浪風帆會Windsurfing Association of Hong Kong, China、Luker Sports Club 、Klook、HOLIMOOD、官方圖片 | 撰文：Hedy
香港水上活動推薦 | 1. 馬鞍山水上充氣嘉年華
夏天咁熱絕對要玩水消暑～位於馬鞍山白石嘅水上充氣嘉年華又再度開放啦！除咗可以同一大班朋友喺隔離BBQ之外，仲可以對住無敵大海景玩水，超寫意～場內設有多個大型充氣玩樂設施，當中包括4條超巨型充氣滑水梯、充氣彈床同波波池，今年更新增泡泡浴，保證會令小朋友玩到唔願走啊！最平$90就可以玩足一個鐘，如果想全日任玩都只係$240，超抵～每位成人都可以免費帶一位身高唔超過1米嘅小朋友入場，身高超過1米嘅人就要購票入場！
開放時段及收費： 第一節：14:00-15:00 (港幣$90） 第二節：15:15-16:30 (港幣$120） 第三節：16:45-18:00 (港幣$120） 第四節：18:15-19:30 (港幣 $120） 二連節：港幣$180 三連節：港幣$210 全日任玩：港幣$240
【INFO】 《馬鞍山水上充氣嘉年華》 開放時間：14:00至19:30（逢星期六、日及公眾假期） 地址：新界馬鞍山白石第1950號 預約：https://bit.ly/3yRemN9 查詢電話：9788 0308
香港水上活動推薦 | 2. 海洋公園水上樂園
香港海洋公園全年加全天候開放，盡情喺入面5大特色主題冒險，有成27個室內同室外設施，絕對適合一家同樂！入面仲有適合小朋友玩以及滿足追求驚險刺激水上活動嘅大家！由即日起到6月30日仲有「試後大晒」優惠門票，小童及全日制學生用$168就可以買到，咁就可以盡情體驗水上樂園！
【INFO】 《海洋公園水上樂園》 開放時間：10:00至19:00 門票價錢： - 初夏入場門票 成人$280（有效期至2024年7月12日） -「試後大晒」優惠門票$168 12歲或以上全日制學生$168、3至11歲兒童$168（有效期至2024年7月12日） 地址：香港仔海洋徑33號 購票連結：https://bit.ly/453dD7Q
香港水上活動推薦 | 3. 美人魚體驗班
相信每個女仔細個嘅時候都希望體驗成為美人魚，而美人魚運動係新興嘅水上運動，將泳術同舞蹈結合，帶領大家探索水底世界。只要小朋友唔驚水，可以喺淺水入面自如活動，就可以參加美人魚體驗班，課程大概1個鐘。美人魚運動需要大家著上單蹼同埋色彩鮮艷嘅魚皮，利用身體有規律嘅擺動姿勢推進，係一種充滿美感嘅水中舞蹈，如果小朋友試完之後有興趣亦可以繼續上進階課程！
【INFO】 《美人魚體驗班》 價錢：$600/每位 查詢：6252 3138（WhatsApp） 網站：https://bit.ly/3yDzJ4K
香港水上活動推薦 | 4. 滑浪風帆
相信大家認識滑浪風帆呢項運動，都可能係因為「風之后」嘅前香港滑浪風帆代表李麗珊～當踩喺帆板上面，高速飛馳喺波浪中可能都會令大家感到興奮不已！如果想小朋友體驗滑浪風帆，就可以先參加由康樂及文化事務署轄下五個水上活動中心，定期安排嘅滑浪風帆課程，由入門級至高級課程都一一俱備，最平都只係$65，相信絕對會喺一個難忘嘅學習體驗！
【INFO】 《滑浪風帆》 價錢：$65起 報名連結：https://bit.ly/3X6bdTQ
香港水上活動推薦 | 5. 滑浪風翼
滑浪風翼係同滑浪風帆相若嘅水上運動，需要利用風翼及水翼衝浪板嚟衝浪嘅水上運動，大家需要將雙腳固定企喺衝浪板上，用雙手控制充氣式嘅風翼，借助風力在水面上滑行。不過由於只有一塊板同水翼，所以操作上都會較滑浪風帆等運動簡單，可以做到唔同花式同埋跳躍活動～想試試嘅朋友必定要年滿18歲，記得把握機會啦！
【INFO】 《滑浪風翼體驗班》 課程時間：1小時 價錢：$380起 地點：長洲觀音灣水上康樂活動中心B座 報名連結：https://bit.ly/3UWgQRK
香港水上活動推薦 | 6. 獨木舟
獨木舟相對上係較為容易上手嘅運動，亦都係最考驗友誼嘅運動。不過大家都唔需要擔心，可以揀一啲有教練指導嘅課程，咁就唔怕操控唔到獨木舟啦。由西貢出發嘅獨木舟路線可以去到綠蛋島、白沙洲等地，探索一啲平時唔會去到嘅香港地方，近距離探索大自然嘅優美！
【INFO】 《綠蛋島浮潛獨木舟之旅》 價錢：$663起 報名連結：https://bit.ly/4dUQ9pk
香港水上活動推薦 | 7. 直立板
相信大家都會喺唔少嘅沙灘上面見到有人玩直立板，呢項運動體能要求唔高，不過就相對比較講求平衡，需要喺板上利用一支直立板槳協助前進！運動融入風帆、衝浪與划艇技術，主要以趴、跪及企三種划槳方法。容易掌握之餘，安全性亦都較高，適合任何新手玩，只要著好助浮衣就可以享受運動樂趣。再加上課程將會有專業國際認証教練在旁，等大家都可以玩得開心又放心！
【INFO】 《直立板教學課程》 價錢：$500起 地址：長洲觀音灣長洲水上康樂活動中心B座 報名連結：https://bit.ly/3x7PtfH
香港水上活動推薦 | 8. 無繩滑水
Wake Surfing無繩滑水唔受天氣影響，係一種結合衝浪同滑浪特色嘅水上運動，就連小朋友都可以玩到。一開始嘅時候就要用雙手捉住快艇嘅繩，隨住快艇行駛嘅時候，就會製造出波浪，大家就需要用繩扯起身體，當穩定後就要放開並試試利用身體控制，危險性低之餘又容易做出唔同嘅花式。
【INFO】 《無繩滑水》 價錢：$800起 報名連結：https://bit.ly/3X35tKL
香港水上活動推薦 | 9. 衝浪
如果本身唔識游水又項玩水上活動，衝浪就絕對啱晒你！初學衝浪嘅時候，水深大概只會去到腰嘅位置，腳係可以掂到沙底，所以唔需要太擔心！慢慢透過學習之後就可以掌握基本沖浪技巧，享受衝浪嘅樂趣～而教練亦都係擁有超過16年衝浪經驗，相信就連初學者都可以輕鬆上手。
【INFO】 《初階新手衝浪體驗》 價錢：$550起 地址：大嶼山長沙 報名連結：https://bit.ly/3V7sKsj
香港水上活動推薦 | 10. 風箏衝浪
顧名思義風箏衝浪就係將風箏同衝浪集結於一身嘅水上活動，只用操作把手去控制風箏嘅上升同下降，再配合埋腳下嘅滑板，就可以做出各種花式動作。初學者將會由專業教練親身指導，咁就確保大家可以極速上手，喺水上飛馳之餘，更可以欣賞埋壯麗景色！
【INFO】 《大嶼山風箏衝浪體驗》 價錢：$499起 地點：大嶼山水口灣 報名連結：https://bit.ly/3R6mBLE
香港水上活動推薦 | 11. 浮潛
想深入探索香港嘅美景，就相當推薦大家去玩浮潛，只要18歲以上嘅人士就可以玩～大家將會乘坐船出發前往赤洲，仲會有經驗豐富嘅教練去教大家浮潛技巧，隨時都可以睇到唔同嘅海洋生物！
【INFO】 《赤色島嶼打卡半日遊》 價錢：$580 報名連結：https://bit.ly/3Kqz758
香港水上活動推薦 | 12. 水上瑜珈
大家可能都有試過玩瑜珈，不過水上瑜珈又有冇試過呢？課程將會以瑜珈結合埋直立板，帶大家出海感受下天地靈氣咁去做瑜珈。水上瑜珈嘅直立版比起一般瑜珈更為穩定，新手都可以喺地面上練習平衡感先，就連小朋友都可以一齊參與！聽住海浪聲呼吸，自然可以令你嘅壓力一掃而空！
【INFO】 《SUP X YOGA 水上直立板瑜珈體驗》 價錢：$620起 報名連結：https://bit.ly/4dUVeho
香港水上活動推薦 | 13. 激流溪降
如果以上嘅水上活動都玩過晒，小編就推薦大家可以玩埋激流溪降，絕對可以滿足你冒險嘅心願！活動將會以小班教學形式，比例最多為1:4，教練將會全程在旁指導，確保每位初學者或者係經驗豐富嘅你哋，都可以安全咁完成項目！橫涌石澗為九大石澗之一，澗中有多個大小壺穴嘅天然景觀，絕對可以令你大開眼界！
【INFO】 《橫涌石澗激流溪降體驗》 價錢：$880起 報名連結：https://bit.ly/4bFjTVO
香港水上活動推薦 | 14. 水上飛索
想體驗飛索都唔一定要去旅行先玩到！依家喺西貢半月灣就已經可以玩到水上飛索同埋浮潛，教練將會帶領大家認識基本技巧同介紹裝備，玩水上飛索之餘又可以欣賞迷人嘅景色，簡直見到都令人心花怒放。只要年滿18歲就可以同朋友甚或係屋企人一齊參加～
【INFO】 《水上飛索及浮潛體驗》 價錢：$680起 報名連結：https://bit.ly/3R7AERo
香港水上活動推薦 | 15. 釣墨魚
夜間出海都別有一番味道，最啱就係同親朋戚友一齊出海釣墨魚，唔使自備釣魚工具，相當方便！享受西式遊艇出海之餘，又可以嘆住冷氣夜遊維港，絕對係一個新鮮嘅體驗，低至$200一位。成功釣到之後更可以即場烹調，或者將新鮮墨魚帶返屋企！
【INFO】 《釣墨魚》 價錢：小童$200 成人$280 報名連結：https://bit.ly/458IqAe
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
