瓊林街 | 唔知大家放假嘅時候又有冇發掘香港唔同嘅靚地方呢？無論係打卡定係喺度hea足一日都冇問題，小編就推薦一個近日超新嘅打卡點，除咗有滿滿藝術氣氛之外，仲超啱大家打卡！除咗有經典像素化樓梯打卡之外，仲有巨型露天花園！
圖片來源：SAUCE編輯部、Instagram@gnutkin_ual | 撰文：Hedy
香港雖然地方唔大，但無論喺上山下海都相當方便，車程都唔會話好遠，放假嘅時候去吓唔同香港嘅地方影相，心情都自然會開心啲！今次小編就介紹近期大熱嘅打卡熱點，位於長沙灣83瓊林街嘅雙子塔甲廈最近正式入伙，而出面嘅休閒空間就係完美嘅打卡地方！
瓊林街 | 經典像素化樓梯
附近除咗有好多唔同嘅綠化植物之外，亦有唔少高低嘅梯級，所形成「經典像素化樓梯」，望落去就好似一個超大嘅露天花園！位於瓊林街83號嘅雙子塔甲廈，設有3.1萬方呎平台花園，配合埋高低樓梯，令張相望落去更有層次感，同時又帶有園林景觀。如果大家有拍開片嘅話，仲可以配合埋剪接，營造出好多新奇嘅玩法，帶埋毛孩嚟影相都冇難度！除咗影相打卡之外，大家都可以喺度休息片刻。雖然影相嘅地方唔算好大，但大家如果經過都可以影吓相！
瓊林街 | 地鐵站行5分鐘
如果大家都想去打卡嘅話，只需要係荔枝角地鐵站C出口行5分鐘就到，超快就去到～向通州西街一直行，過馬路之後一直行到盡頭轉右，就會見到目的地！
【INFO】
長沙灣雙子塔甲廈露天花園
地址：長沙灣瓊林街83號
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
