亞洲小爪水獺 | 放復活節假期想帶小朋友出街享受親子時光，就絕對要嚟香港動植物公園探下咁可愛嘅新朋友——亞洲小爪水獺！免費入場之餘，每日仲有水獺餵食時間，即刻入內文睇詳情啦。
圖片來源：官方圖片 | 撰文：Hedy
最近香港動植物公園進駐咗3隻亞洲小爪水獺，分別叫做「Mei Mei」、「風仔」以及「月亮」，呢3姐弟都超級可愛～亞洲小爪水獺其實係世界上最細嘅水獺品種，身上嘅毛呈暗棕色，四肢短小，主要食各種貝類、蟹類及魚類，習慣生活喺淡水溪、河流及沿海地區嘅淺水區。亞洲小爪水獺多活躍於入夜後，羣聚而居，每羣最多15隻。牠們溝通時會發出各種叫喊聲，感到不安時會呼喚同伴前來幫忙。牠們在水面游泳時，會用前腳划水，後腳踢水：而在水中潛水時，則會擺動身體和尾巴。
亞洲小爪水獺 | 每日設水獺餵食時間
大家只要去香港動植物公園就可以免費探佢哋，同時每日都設有水獺餵食時間，包括08:15、11:15以及16:00三段時間（（實際時間可能因動物狀況而調整），即刻去探吓咁可愛嘅新朋友啦！
【INFO】 《香港動植物公園》 開放時間：哺乳類動物區 上午6時至下午7時 地址：香港中環雅賓利道
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
