政府舉辦一連串名為「 開心香港 」活動，為大家帶嚟一系列精彩活動！今個星期六將舉辦「全港戲院日」，當日全港戲院當日劃一票價30元。另外，仲有海洋公園免費入場、美食市集等，活動非常豐富！想知道有關詳情就繼續碌落內文睇更多啦！
圖片來源：網絡圖片、海洋公園、香港戲院商會｜撰文：Sharon
「開心香港」活動旨在進一步刺激本港經濟，同時讓大家可以共享美食與娛樂！活動由4月至8月舉行，涵蓋流行文化、體育、音樂，內容包括大型美食市集、音樂節以及大型海陸嘉年華等。首先打響頭炮嘅活動有今個星期六嘅「全港戲院日」，觀眾只需要花$30就可以睇到唔同種類嘅電影！
4月至6月指定周末，港九新界多區會舉辦大型美食市集嘉年華，市民可以免費入場。海洋公園於6月舉行「Chill all night活動」，設多媒體光影匯演和現場娛樂表演，每晚最多5000人免費參與。7月至8月維港設大型海陸嘉年華，以維港為舞台，將有水上音樂會嘅演出，包括舞蹈表演及燈光匯演。另外，除咗美食同音樂，體育方面將邀請曼聯16青年隊來港踢表演賽，屆時會喺旺角大球場同足球運動員進行交流！
全港戲院日（4月29日）
當日全港戲院當日劃一票價30元，優惠適用於各種電影類別格式，包括4DX、CGS LASER、CGS THX ULTIMATE、IMAX、IMAX with LASER等。
適用戲院：全港商業戲院，包括 ACX Cinemas@北角匯、百老匯院線、華懋電影院線、影藝戲院院線、Cinema City院線、CGV D2 Place、英皇院線、嘉禾院線、高先電影院、Lumen Cinema、寶石戲院、MCL院線、新寶院線及新光戲院。
購票安排：4月27日早上11時後陸續於各大戲院票房及網上售票網頁公開發售，每人每次最多只可購買4張戲票，網上購票則依各院線的購票限制為準。將不設長者、小童及學生優惠，票價劃一港幣$30（包場及特備節目除外）。 所有換票證、電影贈券、會員優惠及銀行優惠當日不適用。
海洋公園「Chill all night活動」
海洋公園Chill all Night活動，會喺6月一連四個星期六嘅晚上舉行（6月3日、10日、17日及24日），每晚最多5000人免費參與。有攤位遊戲，樂隊表演以及燈光匯演。
「開心香港」主要活動一覽
| 活動 | 日期 | 地點 | 詳情 |
| 全港戲院日2023 | 4月29日 | 全港商業戲院 | 全港戲院當日劃一票價30元 |
| 開心香港美食市集 |
|
|
港九新界美食市集嘉年華，市民可免費入場 |
| Chill All Night | 6月3日、10日、17日及24日 | 海洋公園 | 設多媒體光影匯演和現場娛樂表演 |
| 2023奧運日暨杭州2022 年亞運會趣味跑—體育嘉年華 | 6月18日 | 西九文化區 | 設體育體驗、遊戲攤位、杭州亞運專區 |
| 開心香港漁農嘉年華 | 2023年6月22日-2024年1月7日 | 全港農墟，旺角花墟公園 | 鼓勵漁農業界積極參與展銷本地優質漁農產品 |
| Harbour Chill Carnival | 7月8-9、15-16、22-23、29-30日、8月5-6 日 | 灣仔臨時海濱花園和水上運動及康樂主題區 | 維港大型海陸嘉年華 |
| 數碼娛樂領袖論壇 | 8月9日 | 數碼港 | 展示唔同嘅科技應用，包括Web3、元宇宙、藝術科技及運動科技等 |
| 開心香港市集@科學園 | 8月4日至13日 | 香港科學園 | 聚焦創新科技產品及美食體驗 |
| 賽馬會青少年足球精英匯 | 8月9日、12日 | 旺角大球場 | 曼聯16青年隊來港踢表演賽及進行交流 |
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
