適逢夏天，當然要盡情參與各項水上活動啦！而每年嘅5月至9月，由於海水溫度上升，吸引大量墨魚集中喺本地水域，所以成為釣墨魚嘅旺季。編輯就為大家介紹6大抵玩釣 墨魚團 ，包括輝記船河、BB Boat Channel 海之子海上頻道、Saikungsky、Klook夜釣墨魚體驗、木根船釣、Cool Boat Yacht。當中最抵只需人均$250，適合一家大小參與，就算一個人都可以拼團，享受釣墨魚嘅樂趣㗎！即睇以下出海日期、價錢詳情同埋報名方法啦！
圖片來源：輝記船河、BB Boat Channel 海之子海上頻道、Saikungsky、Klook、木根船釣、Cool Boat Yacht｜撰文：Icy
1. 輝記船河
輝記船河主要喺西貢一帶舉辦各項水上活動，今年亦會舉辦多場釣墨魚散團，就算一個人都可以報名。而報團費用只需$260，大小同價，非常抵玩。活動將包括即場煮墨魚，等大家可以品嚐親手釣嘅墨魚。如果多人參與，可以選擇包團，每人$360，仲可以品嚐惹味嘅蟹粥晚餐！
【INFO】 《輝記西貢墨魚團》 地址：西貢市中心上落船 時間：19:00 - 23:00 預約電話：9455 1758 價錢：散團$260/人（包釣具及煮墨魚），$360/人（30人起，包蟹粥晚餐）
2. BB Boat Channel 海之子海上頻道
BB Boat Channel 海之子海上頻道專門舉辦各項本地遊艇、遊船河、釣魚等水上活動，當中當然唔少得chok墨魚！價錢為每人$260，每日都會開散團，成團與否會喺出發日期前一天通知。大家可以喺西灣河嘉亨灣或油塘三家村上船，活動提供基本教學同埋烹調服務，歡迎新手參與！
【INFO】 《海之子散客墨魚團》 地址：西灣河嘉亨灣或油塘三家村上落船 時間：19:00 - 23:00 預約電話：6652 2308 價錢：散團$260/人（包釣具及煮墨魚）
3. Saikungsky
Saikungsky提供各種乘船旅遊代理服務，每逢墨魚季節都會推出墨魚拼團活動，每人收費只需$240，大人同小朋友都歡迎參與。如果多人參與嘅話，可以選擇包團，團體價最抵每人只需$200，價錢更加抵！
【INFO】 《西貢遊艇墨魚散團》 地址：西貢舊碼頭1、2號位上落船 時間：18:30 - 22:00 預約電話：6089 0750 價錢：$240/人（不包飲食）
4. Klook維港夜釣墨魚體驗
Klook特別推出維港夜釣墨魚體驗活動，每人$295，體驗坐遊艇出海釣墨魚，以及吹住海風欣賞維港景色，一個價錢雙重享受，好寫意！如果新手擔心釣唔到墨魚，船家會安排專人教授釣墨魚嘅秘訣，仲會好貼心咁為每人準備適當份量嘅墨魚，可以即場烹調，齊齊品嚐墨魚嘅鮮味。
【INFO】 《維港夜釣墨魚體驗》 地址：觀塘公眾碼頭上落船 時間：19:00 - 23:00 預約網址：https://bit.ly/3rxaTzG 價錢：$295/人（包用具及飲品）
5. 木根船釣
木根船釣主要為釣魚發燒友提供組團出海嘅服務，交流釣魚心得。而釣墨魚散團最抵只需每人$250，由香港仔出發，前往海洋公園同南丫島一帶嘅水域，順道觀賞附近嘅海景。船家會提供簡單白灼廚具，等大家可以即場享用垂釣嘅收穫！
【INFO】 《木根船釣夜釣魷魚團》 地址：香港仔逸港居碼頭上落船 時間：18:30 - 22:30 預約電話： 5623 3458 價錢：星期一至四 $250/人 ，星期五六日及公眾假期 $270/人
6. Cool Boat Yacht
Cool Boat Yacht提供各項西式遊艇租用同埋遊船河服務，現時亦有推出釣墨魚散團活動，喺屯門慧豐園或荃灣公眾碼頭上落船。價錢為每人$400 ，船家會提供基本用具同飲品，大家亦可以自攜魚杆喺船上使用。參加者釣獲墨魚後，可以選擇即場享用，或者帶返屋企同家人朋友分享。
【INFO】 《Cool Boat Yacht夜釣魷魚團》 地址：屯門慧豐園或荃灣公眾碼頭上落船 時間：19:00 - 23:00 預約電話：6163 6628 價錢：$400/人
————————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
