Disney fans注意！香港迪士尼樂園年度萌粉盛會「Duffy與好友同萌遊」由即日起至5月7日再次返嚟喇！今個春日，Duffy與好友同大家一齊暢遊樂園，除咗有全新嘅系列商品同美食，火車更搖身一變成為Duffy與好友春日限定列車，仲有多個「可愛座」打卡位，即睇內文了解更多喇！

圖片來源：SAUCE編輯部｜撰文：Sharon 

「Duffy與好友同萌遊」返嚟喇！（圖片來源：SAUCE編輯部）

由即日起至5月7日「Duffy與好友同萌遊」再次回歸，小鎮大街火車站有唔少色彩斑斕嘅春日裝飾，包括以Duffy與好友春日遊為主題嘅全新打卡點及好友們繪畫嘅地圖等。當中迪士尼樂園鐵路嘅火車更變成Duffy與好友春日限定列車，火車車身上佈滿彩旗同彩紙圖案，仲有Duffy與好友喺車窗探頭外望嘅圖案添！

迪士尼樂園鐵路嘅火車更變成Duffy與好友春日限定列車。（圖片來源：SAUCE編輯部）
火車都有唔少主題圖案！（圖片來源：SAUCE編輯部）

「可愛座」打卡位

香港迪士尼毛公仔專設「可愛座」打卡位，5個Duffy與好友毛公仔打卡位設於奇妙夢想城堡、小鎮大街火車站、探險世界、灰熊山谷及迷離莊園，大家去迪士尼樂園時不妨尋找佢哋嘅蹤影啦！另外，樂園正門嘅全新Duffy車長造型花圃都係必影打卡位！

超可愛啊！（圖片來源：SAUCE編輯部）
必影嘅打卡位！（圖片來源：SAUCE編輯部）

Fun享Duffy與好友的快樂

嚟到迪士尼，當然要欣賞春日限定嘅Duffy與好友 「快樂分享」小劇場！Duffy、ShellieMay、Gelatoni、StellaLou、CookieAnn、‘Olu Mel與LinaBell等朋友仔將換上春日新衣，同大家見面！記得要到訪佈滿全新季節裝飾嘅Duffy與好友遊玩屋，同佢哋一齊合照留念！
春日限定嘅Duffy與好友 「快樂分享」小劇場。（圖片來源：SAUCE編輯部）
仲要去Duffy與好友遊玩屋！（圖片來源：SAUCE編輯部）

美食及限定商品

食物同一系列Duffy與好友商品同樣吸引！食物方面，有全新Duffy與好友眾樂樂巨型雪糕新地、小鎮雪糕店嘅雙重白桃味軟雪糕、CookieAnn小火車爆谷桶、Duffy與好友杯子蛋糕、以及CookieAnn春日棉花糖窩夫，每一款賣相精緻，非常打卡able！至於Duffy與好友「春日甜美探索」系列商品，包括毛公仔、掛袋飾物、鎖匙扣同頭箍，作為萌粉嘅你又點可以唔入手呢！

賣相超可愛！（圖片來源：SAUCE編輯部）
小編大推！（圖片來源：SAUCE編輯部）
夠晒打卡able！（圖片來源：SAUCE編輯部）
（圖片來源：SAUCE編輯部）
各款Duffy與好友「春日甜美探索」系列商品。（圖片來源：SAUCE編輯部）
+5

「雙重暢玩」優惠

即日起至2025年6月30日，香港居民更可以港幣859元專享「雙重暢玩」優惠，選定兩天入園！大家都快啲約埋朋友一齊入樂園展開奇妙之旅喇！

帶小朋友嚟玩！（圖片來源：SAUCE編輯部）
【INFO】
《Duffy 與好友同萌遊》
時間：2025年2月21日至5月7日
地址： 香港新界大嶼山竹篙灣香港迪士尼樂園
（圖片來源：SAUCE編輯部）

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk