召喚香港迪士尼樂園粉絲！今個夏日，昂坪360將與香港迪士尼樂園度假區首度合作，由6月21日至8月31日推出「香港迪士尼樂園20周年預熱派對 @ 昂坪360」，慶祝香港迪士尼20周年！即睇內文了解詳情，齊齊展開一場充滿奇妙魔法嘅盛夏派對啦～
圖片來源：官方圖片｜撰文：Sharon
由6月21日至8月31日，昂坪360同香港迪士尼合作推出「香港迪士尼樂園20周年預熱派對 @ 昂坪360」！11架昂坪360水晶纜車將奇妙變身成香港迪士尼20周年主題纜車，設計構思來自香港迪士尼20周年嘅巡遊表演「迪士尼好友巡遊派對」，每架水晶纜車分別以不同迪士尼朋友為主題，包括米奇與好友、Duffy與好友、迪士尼公主、以及來自《優獸大都會》、《大英雄聯盟》、《反斗奇兵》、《怪獸公司》、《熊抱青春記》、《玩轉腦朋友》、《沖天救兵》及《奇幻魔法屋》的迪士尼朋友！
另外，喺昂坪市集圓形廣場內米奇與好友20周年主題裝置，每一個細節都令你感受到濃濃嘅派對氣氛！米奇、米妮、唐老鴨、黛絲、高飛和布魯托，均以全新20周年限定服飾，於約5.5米高嘅奇妙夢想城堡裝置前矚目登場！至於昂坪市集涼亭前，特設Duffy與好友20周年主題裝置，Duffy、ShellieMay、CookieAnn與LinaBell於草地上同果樹下遊玩，超可愛！
昂坪360特別推出限定香港迪士尼20周年主題水晶纜車套票，以普通水晶車廂門票嘅價錢，即可優先乘搭香港迪士尼主題纜車，同時更可獲贈香港迪士尼20周年纜車紀念門票！大家都快啲約埋朋友，一齊坐上香港迪士尼主題纜車啦！
【INFO】 《香港迪士尼樂園20周年預熱派對@昂坪360》 預訂網址：https://bit.ly/3FPH6tF
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
