召喚所有Disney fans及各位好友！今個夏天，山頂纜車及凌霄閣呈獻全港首個迪士尼「Mickey Keep It Real」主題活動，將太平山頂打造成盛夏慶典！多位人氣角色米奇、米妮、唐老鴨、黛絲、高飛、布魯托、鋼牙與大鼻，將會現身於山頂同大家見面！即睇10大打卡位啦！
圖片來源：SAUCE編輯部、官方圖片｜撰文：Sharon
由即日起至12月31日，迪士尼「Mickey Keep It Real」主題活動將於登陸山頂纜車及凌霄閣！超人氣角色米奇與米妮及一眾好友唐老鴨與黛絲、鋼牙與大鼻等會嚟到帶領大家暢玩10大主題打卡區，包括：唐老鴨《POV自拍時刻》、米奇與好友的《太平山光影之旅》、「 Mickey Keep It Real 」主題纜車、米奇《I ❤ HK》、米奇與好友《Peak Runway》、米奇《Chill級巨星》、米奇《愛心觀景台》、米奇與米妮的《天際之旅》、唐老鴨與黛絲的《浪漫角落》及鋼牙與大鼻的《#BetterTogether玩樂時光》。
打卡位1：唐老鴨《POV 自拍時刻》
山頂纜車中環總站入口，會見唐老鴨擺住最俏皮可愛嘅姿勢迎接每位賓客！大家記得嚟搵唐老鴨打卡！
打卡位2：米奇與好友的《太平山光影之旅》
進入山頂纜車中環總站，一道光影隧道會帶你進入充滿迪士尼元素號夏日國度！沉浸式光影設計，再配合動態燈效與音樂，為大家帶來視覺同聽覺嘅雙重享受！
打卡位3：「 Mickey Keep It Real 」主題纜車
主題纜車內特意融入迪士尼「米奇與好友」元素，只要抬起頭就可以見到米奇與好友們陪伴大家！
打卡位4：米奇《 I ❤ HK 》
位於凌霄閣可以見到懸掛於半空的6米高米奇手掌充氣裝置，米奇「巨」手喺半空中向你揮手打招呼！小編偷偷同大家分享，一樓係最佳拍攝位置啊！
打卡位5：米奇與好友《Peak Runway》
米奇與好友們以街頭潮人造型，喺太平山各個打卡點等大家！街頭交通燈號同路牌更以可愛嘅米奇圖案呈現，讓遊客彷彿置身於時尚同文化嘅交匯點。
打卡位6：米奇《Chill級巨星》
8米長米奇充氣裝置震撼現身凌霄閣！超巨型米奇正悠閒地側躺著享受美景！
打卡位7：米奇《愛心觀景台》
嚟到觀景台會見到2.5米高米奇手掌以愛心框架造型，絕對係情侶嘅必影打卡位！
嚟到觀景台嘅另一邊，仲有另外3大打卡位，分別係米奇與米妮的《天際之旅》、唐老鴨與黛絲的《浪漫角落》及鋼牙與大鼻的《#BetterTogether玩樂時光》，一眾米奇與好友們擺定好pose等大家！
另外，場內特設「Mickey Keep It Real」期間限定店，有多款迪士尼主題精品，當中包括太平山頂限定、全港首次發售嘅「米奇與好友」商品更將於7月陸續推出！各位fans千祈唔好錯過！
【INFO】 《「Mickey Keep It Real」裝置》 地點：山頂纜車中環總站、山頂纜車、凌霄閣及摩天台428 日期：即日起至12月31日 時間：10:00 - 22:00 《「Mickey Keep It Real」期間限定店》 地點：凌霄閣地下G04號舖 日期：7月至12月31日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
