聖誕車尾箱市集 | 想喺香港都觀賞到北歐復古聖誕小鎮？「中港城車尾箱聖誕市集」將會喺12月載譽歸來，有齊特色主題市集、親子遊樂專區以及北歐聖誕老人見面會！即刻入內文睇詳情啦～
圖片來源：官方圖片 | 撰文：Hedy
中港城今年再次舉辦全港最大規模嘅車尾箱聖誕市集，由12月7日起，連續4個週末及假期，大家都可以參與！車尾箱市集首次聯同瑞典及芬蘭商會，打造出北歐復古聖誕小鎮。市集將會有超過100個攤位，並邀請多位本地匠人、網紅手作店及車主進駐，展示節日手作、精美手工藝品以及應節美食等！當中包括入選Dining City人氣30強嘅現代北歐高級餐廳Embla，主廚Jim Löfdahl更會為大家推出期間限定聖誕美食，絕對要嚟參加～
車尾箱市集 | 北歐聖誕老人見面會
嚟自芬蘭聖誕老人村嘅聖誕老人，仲會現身同大家見面～場內更特設6米高巨型「星光聖誕樹」，仲有「親子遊樂專區」。只需要透過現場捐款予慈善機構，就可以暢玩遊戲～市集仲會喺指定日子安排精彩音樂同舞蹈表演，再加上唔同嘅聖誕主題工作坊，增添節日氣氛～活動依家更招募緊唔同嘅車主參加，有興趣嘅朋友就記得去報名啦，帶住自己嘅靚車體驗最難忘嘅市集活動！
【INFO】 《中港城車尾箱聖誕市集》 地址：中港城海豚池平台花園 日期：2024年12月7至8日、14至15日、21至22日、25至26日、28至29日及31日（共11天）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
