西貢好去處|西貢除咗出名食海鮮之外,仲有好多條靚景郊遊路線,所以佢又有「香港後花園」之稱。西貢獨特嘅地理環境,加上罕見嘅地質景色、純樸嘅漁村風貌,同埋隱世海灘,好適合大家假日時去輕鬆郊遊,遠離繁囂。今次就介紹3條西貢區靚景郊遊行山路線俾大家,而且仲係簡單輕鬆路線,新手行山都行到!大家要愛護大自然,記得唔好亂拋垃圾啊!

圖片來源:香港旅遊發展局、漁農自然護理署、IG@pinkywu20、@farasislove @secret_kdiary、@ivyywinglam、@amyworldwanderings |撰文:Athena

西貢好去處 | 郊遊路線 1. 荔枝莊地質公園

荔枝莊位於赤門海峽東南岸,好適合一家大細嚟郊遊,係個一日遊嘅好地方。荔枝莊地質公園嘅岸邊十足日本嘅「鬼之洗濯板」!公園最大嘅特色,就係佢嘅地質景觀。公園內有唔少奇特嘅地質現象,其中最出名嘅係「荔枝石柱」。呢啲石柱係由火山湖以及火山附近湖底嘅泥沙混合火山灰固結形成,具有獨特嘅形狀及紋理,非常壯觀!火山灰及被沖入湖底嘅泥沙反覆疊加,形成顆粒粗幼不一,顏色深淺交替嘅深淺色岩石,紋路有好多層次,每一塊都留下時間嘅痕跡。紅樹林灘岸,加上岸邊同海水下面色彩變幻嘅岩石,十足世外桃源,一直望住好治癒啊!

地質由多種岩石構成,包括稀有嘅火山碎屑沉積岩(圖片授權:IG@pinkywu20)
地質由多種岩石構成,包括稀有嘅火山碎屑沉積岩(圖片授權:IG@pinkywu20)
十足日本「鬼之洗濯板」(圖片授權:IG@pinkywu20)
(圖片授權:IG@pinkywu20)
(圖片授權:IG@pinkywu20)
+2

荔枝莊嘅海邊,可以欣賞到海天一色嘅美景,天氣好嘅時候仲可以影到小型「天空之鏡」,好靚啊!

海天一色美景(圖片授權:IG@pinkywu20)
天氣好嘅時候仲可以影到小型「天空之鏡」(圖片授權:IG@pinkywu20)
小型「天空之鏡」(圖片授權:IG@pinkywu20)

另外,荔枝莊地質公園仲保存咗歷史文物,包括「荔枝莊遺址」及「荔枝莊古井」等。呢啲文物反映咗公園所在地區嘅歷史和文化,令遊客可以了解到更多有關荔枝莊嘅故事同傳說。荔枝莊地質公園除咗可以認識當地嘅歷史之外,小朋友仲可以學習到唔少科學知識。公園內有解說牌及展示板,介紹公園嘅歷史、地質同埋生態等知識。公園內仲有自然步道及生態導賞團,可以近距離體驗大自然嘅奧秘。咁有特色嘅地質公園,喺香港真係唔係咁容易睇到㗎,好值得大家去一次!

沿路有解說牌及展示板(圖片授權:IG@pinkywu20)

 

潮汐漲退時間:https://www.hko.gov.hk/tc/tide/predtide.htm

白沙澳 > 南山洞 > 荔枝莊 (原路折返)

難度︰★✩✩✩✩

全長︰約4.1公里

時間︰約1.5小時

【INFO】
前往及離開交通方式:
於西貢墟乘坐7號專綫小巴,在海下路白沙澳下車,沿山徑步行前往,路程約2.8公里;或乘坐街渡渡輪前往荔枝莊。

渡輪服務 - 馬料水至塔門 (途經荔枝莊)
星期一至五 - 08:30, 15:00
星期六、日及公眾假期 - 08:30, 12:30 及 15:00

渡輪服務 - 塔門至馬料水 (途經荔枝莊)
星期一至五 - 11:40, 18:00
星期六、日及公眾假期 - 11:40, 14:15 及 18:00

西貢好去處 | 郊遊路線 2. 大灘郊遊徑

大灘郊遊徑平均容易行,無論小朋友定長者都行到!呢條步道環繞著大灘海灘,有豐富嘅自然景觀同植物,而且步道難度唔高,適合各個年齡層嘅人士前嚟舒展筋骨,非常適合郊遊及健行!沿途設有各種設施及休息點,例如涼亭、小食亭、廁所等,方便郊遊人士休息及補充能量。沿路仲可以欣賞到西貢獨特多變嘅海岸風光,睇到香港清晰嘅海岸線,可以好好放鬆心情!

大灘海灘清澈見底(圖片授權:IG@ivyywinglam)

路途主要都係以大石而成嘅山徑,中途會經過紅樹林,附近可以見到黃石碼頭及高流灣一帶。再沿路一直行,能夠遠眺蚺蛇尖、高流灣及塔門等地,全段路程嘅風景都好似一幅畫咁靚啊!去到海下灣,仲有可以欣賞到清澈見底嘅海洋。大灘郊遊徑水質優良,係珊瑚、珊瑚魚、海星及水母等海洋生物嘅棲息地,係物種多樣化嘅寶地。除咗郊遊,大灘郊遊徑亦係一個唔錯嘅攝影地點。步道中有各種優美景色和,例如海灘、森林、山脈等,令攝影愛好者可以捕捉到美麗的瞬間,留下難忘的回憶。

大灘海(圖片來源:漁農自然護理署)
海下灣(圖片來源:漁農自然護理署)
南風灣(圖片來源:漁農自然護理署)
大灘村(圖片來源:漁農自然護理署)
(圖片來源:漁農自然護理署)

猴塘溪>大灘郊遊徑>大灘海灘>南風灣>海下

難度︰★★✩✩✩

全長︰約6.7公里

時間︰約2.75小時

【INFO】
前往交通方式:
在西貢墟乘7號小巴至海下路近猴塘溪下車。

離開交通方式:
在海下路尾乘搭7號專線小巴返回西貢墟。

西貢好去處 | 郊遊路線 3. 萬宜地質步道

萬宜地質步道位於萬宜水庫,當中嘅東壩只係距離西貢市中心約40分鐘車程就到啦~萬宜水庫東壩更被列入香港聯合國教科文組織世界地質公園嘅範圍,皆因佢擁有一系列於1.4億年前超級火山爆發所形成嘅地質奇觀,喺國際地質學上有好重大嘅意義㗎!企喺萬宜水庫東壩上,一邊係香港儲水量最大嘅人工水庫,而另一邊就係宏偉嘅六角岩柱群,好特別!萬宜地質步道沿途會有指示牌,介紹唔同嘅特色打卡景點,包括宏偉嘅六角柱石群、海蝕洞、海蝕柱,從標尖角山頂仲可以見到浪茄灣嘅海岸景致。除此之外,行去海邊仲可以見到破邊洲。佢就好似一件蛋榚切件,好啱影靚相㗎。

(圖片授權:IG@farasislove)
(圖片授權:IG@farasislove)
(圖片授權:IG@farasislove)
(圖片授權:IG@farasislove)
(圖片授權:IG@secret_kdiary)
+9

防波堤

萬宜水庫東壩嘅防波堤,目的係保護水壩免受海上波浪傷害,佢嘅奇形怪狀可以減低海浪嘅沖擊力。防波堤睇落就好似一舊一舊嘅巨型積木堆埋一齊,唔少人都鍾意喺呢度打卡㗎!不過爬上去影相會有啲危險,大家要注意安全!

十足巨型積木(圖片授權:IG@farasislove)
大家影相時要注意安全!(圖片授權:IG@amyworldwanderings)
唔少人特意嚟打卡(圖片授權:IG@amyworldwanderings)
(圖片授權:IG@amyworldwanderings)
(圖片授權:IG@amyworldwanderings)
+1

東壩圍堰

一個一個嘅圓圈望落去好公整,唔少人會行入圓圈打卡影相,睇落有啲似打地鼠游戲。

令人不禁聯想起打地鼠游戲(圖片授權:IG@secret_kdiary)
坐低影相都幾好睇㗎!(圖片授權:IG@farasislove)
(圖片授權:IG@amyworldwanderings)
(圖片授權:IG@secret_kdiary)
(圖片授權:IG@farasislove)
+1

六角岩柱群

佢哋係由淺色嘅熔岩、岩屑及火山灰的混合物冷卻後收縮而成,大約喺1億4千萬年前嘅超級火山爆發後形成,覆蓋面積估計超過100平方公里。係地質公園西貢火山岩園區裡最重要嘅地質奇觀啊!

覆蓋面積估計超過100平方公里(圖片授權:IG@farasislove)
六角岩柱群(圖片來源:香港旅遊發展局)

彎曲岩柱

沿住萬宜地質步道一直行,會見到另一幅S形扭曲嘅六角形岩柱,佢哋就係彎曲岩柱。呢幅鬼斧神工嘅天然壁畫,係由劇烈嘅地殼運動影響,令當時未完全凝固嘅岩柱扭曲摺疊。幾年後,岩柱較脆弱嘅彎曲部分,於下陷作用時裂開,地下岩漿則沿著岩石嘅裂隙,往上灌入石柱中,形成而家咁獨特嘅S形彎曲岩柱。

S形扭曲嘅六角形岩柱,由劇烈嘅地殼運動影響(圖片來源:香港旅遊發展局)

海蝕洞

行到萬宜地質步道嘅盡頭,會有一條木橋通往海蝕洞嘅入口。海蝕洞長期被海浪侵蝕,形成天然洞穴,好神奇啊!

木橋通往海蝕洞入口(圖片授權:IG@farasislove)
海蝕洞長期被海浪侵蝕(圖片授權:IG@farasislove)

【INFO】

難度︰★★✩✩✩

全長︰約4.3公里

時間︰約3小時

【INFO】
前往及離開交通方式:
1. 乘搭九巴路線94號或96R(96R只在星期六日及公眾假期行駛)前往「上窰」巴士站,
沿大網仔路前行至岔路口,靠右沿西貢萬宜路繼續步行約9公里;或
2. 於北潭涌乘坐專線小巴路線9A (只在星期日及公眾假期) 往返北潭涌與萬宜水庫東壩。

——————————————————
Follow 我地睇更多最新情報!
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/