蠟筆小新展覽 | 平時鍾意睇蠟筆小新嘅朋友，小編相當推薦大家嚟行《蠟筆小新：玩轉時空大冒險互動體驗展》第二彈！第二彈將會有2大全新互動展區，有得拍小新「屁屁」，仲有多款會場限定主題周邊商品，即刻入內文睇詳情啦～
圖片來源：官方圖片 | 撰文：Hedy
《蠟筆小新：玩轉時空大冒險互動體驗展》第二彈登陸啟德零售館，今次仲加入咗2大全新互動展區，場內共設有11大展區及9大互動遊戲！2隻2米高嘅巨型小新立像將以超人造型現身，牆上面更有為人熟悉嘅香港名勝，包括中銀大廈以及摩天輪等。而喺全新展區入面仲有互動遊戲，操控面板上設有可愛嘅小新「屁屁」按鈕，當屏幕上嘅十字准線與怪物重疊時，玩家可以按下屁屁按鈕去攻擊怪物！而另一個全新展區就係鋼達姆機器人，大家都可以同半身鋼達姆合照，同小新一齊操控鋼達姆機器人，用盡超能力守護春日部喇～
蠟筆小新展覽 | 會場限量發售精品
蠟筆小新嘅粉絲除咗睇展覽之外，會場引入咗多款展覽限定嘅全新周邊精品，部分更係香港會場限量發售。會場產品包括印章、便條貼、文具夾套裝、保溫保冰杯、香薰片以及電線收納等。而《蠟筆小新》期間限定小食店嘅主題餐點加入咗兩大新品，小新銅鑼燒以及多款口味牛奶棉棉冰，滿足大家打卡同享受美食嘅願望！
蠟筆小新展覽 | 蠟筆小新主題拍貼機
想留住美好嘅時光，大家就記得要去蠟筆小新主題拍貼機影相，仲有4款全新色彩繽紛嘅相框可以選擇，每款都印有蠟筆小新動畫入面唔同嘅角色人物，超可愛啊！
蠟筆小新展覽 | 珍藏特典門票
由即日起大家都可以於現場購買特典門票套裝，更會免費獲贈香港展覽限定版發光卡套，低至$218入手，數量有限，欲購從速，粉絲必定要入手留念！
【INFO】 《蠟筆小新「玩轉！時空大冒險」互動體驗展香港站》 時間：星期一至日及公眾假期11:00至22:00 地點：香港啟德體育園 啟德零售館2，4樓 價錢： 單人票平日$108、周末及假期$138 雙人票平日$185、周末及假期$235 特典門票$218 *大小同價 購買網站：https://bit.ly/3IGQlNK
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
