今個復活節，GUDETAMA蛋黃哥嚟到荃灣同大家一齊開甜點派對！由即日起至4月27日，GUDETAMA甜品下午茶盛宴造型充氣樂園萌爆現身Citywalk荃新天地1期，GUDETAMA將化身成各式精緻甜品，為大家帶來一連串遊樂體驗！場內設6大甜點主題障礙關卡，大家都快啲玩啦！

圖片來源：官方圖片｜撰文：Sharon

蛋黃哥梳乎充氣派對。（圖片來源：官方圖片）

GUDETAMA蛋黃哥跳入Citywalk荃新天地，由即日起至4月27日，同各位舉辦一場甜蜜又「Egg-citing」的復活節派對！蛋黃哥融入甜品主題，化身甜品大師，而蛋黃哥萌趣造型可愛指數爆燈！6大打卡位包括「梳乎草莓忌廉蛋糕」、「Chill鬆軟Pancake 彈床」、「甜蜜馬卡龍甜甜圈隧道」、「蛋滋味三文治迷宮」、「CHILL古力蛋卷山障礙滑梯」以及7米高「彈滑梳乎布丁城堡」。場內更有投蛋遊戲，復活蛋投中籃子更可贏取薯片零食同GUDETAMA梳乎毛巾斗篷！

梳乎草莓忌廉蛋糕。（圖片來源：官方圖片）
蛋滋味三文治迷宮。（圖片來源：官方圖片）
彈滑梳乎布丁城堡。（圖片來源：官方圖片）
CHILL古力蛋卷山障礙滑梯。（圖片來源：官方圖片）
Chill鬆軟Pancake彈床。（圖片來源：官方圖片）
+1

除咗主題充氣裝置，亦有多款獨家GUDETAMA精品，包括首次亮相嘅GUDETAMA梳乎甜點主題購物袋，實用又精美！仲有「GUDETAMA梳乎毛巾斗篷」以及「GUDETAMA復活節派對造型爆谷桶」，購買爆谷桶更可即場換領焦糖爆谷！至於荃新天地2期仲設置逾7米高嘅巨型GUDETAMA復活蛋裝置，小朋友可以化身小跳蛋喺巨型GUDETAMA跳彈！今個復活節快啲帶埋小朋友嚟玩啦～

7米高巨型復活節派對造型GUDETAMA裝置。（圖片來源：官方圖片）
【INFO】
《Citywalk X GUDETAMA Egg-citing梳乎充氣派對》
地點：Citywalk荃新天地1期
日期：即日起至4月27日
（圖片來源：官方圖片）

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk