藥師少女的獨語 | 日本人氣動畫《藥師少女的獨語》深受唔少動漫迷嘅喜愛，而廣受矚目的 《藥師少女的獨語》動畫展，即將登陸香港，為海外首站！購買特典門票嘅朋友仲可以獲得可愛禮物一份，即刻入內文睇價錢、地址同詳情喇！
圖片來源：官方圖片 | 撰文：Hedy
大家等緊《藥師少女的獨語》第三季動畫同電影嘅同時，都可以去即將登陸香港嘅《藥師少女的獨語》動畫展，香港更係海外首站！透過動畫經典場景同動畫複製原稿，大家可以細味貓貓同壬氏嘅每段劇情，感受角色魅力！
藥師少女的獨語 |《藥師少女的獨語展》登陸香港
《藥師少女的獨語》以聰慧嘅女主角「貓貓」、緊湊懸疑嘅推理劇情，以及描繪人性與權謀的華麗宮廷世界而大受歡迎。而動畫展將會重現第一季經典場景嘅沉浸式體驗，仲會展出動畫複製原稿、分鏡、美術設定等資料，帶大家深入感受動畫美學與創作嘅獨特世界！現場亦設有粉絲互動區以及限定打卡位！有興趣入場嘅朋友，就記得趁早鳥優惠入手喇～
藥師少女的獨語 | 門票價錢
早鳥門票（即日起至11月21日）
- 預售雙人票－HK$168/套（2人必須一同進入展覽場地）
包含1個入場QR Code、2張實體門票以及2份入場證
- 預售特典票－HK$158/套（預售特典票包含1張入場QR Code及迷你屏風）
包含1個入場QR Code、1張實體門票、1份入場證以及1份特典禮物。購買預售門票嘅人仕，入場時會收到實體門票作收藏用。
展期門票（由11月22日至1月11日）
- 展期單人票－HK$110/張
包含1個入場QR code 及1份入場禮
- 展期優惠票－HK$88/張
包含1個入場QR code 及1份入場禮，此優惠門票僅提供予全日制學生、60歲以上及傷健人士使用，入場時需要向工作人員出示相關證明文件）
- 展期特典票－HK$168/套（展期特典票包含1張入場QR Code及迷你屏風）
包含1個入場QR code、1份入場禮及1份特典禮物
【INFO】 《藥師少女的獨語》動畫展 日期：2025年11月22日至2026年1月11日 體驗時間：45分鐘 地點：旺角創興廣場地庫INCUBASE Arena B2
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
