一年一度嘅萬聖節又到，大家準備好點慶祝未呢？講起萬聖節當然唔少得去海洋公園同迪士尼，自問大膽嘅你點可以唔玩盡主題公園嘅萬聖節限定活動呢！另外，除咗去主題公園玩，南豐紗廠同愉景灣都有一連串盞鬼精彩活動等緊大家！快啲碌落內文睇詳情，呢個萬聖節一定唔可以錯過咁多項精彩嘅活動啊！
圖片來源：官方圖片、klook｜撰文：Sharon
1. 海洋公園哈囉喂2022
今年哈囉喂，海洋公園帶你勇闖今古時空，失控玩轉地球！海洋公園今年首度結合現實與虛擬世界的元素，推出5大主題體驗景點，另外仲有一系列精彩表演、哈囉喂主題美食及嘩鬼打卡點！哈囉喂於9月17日至10月31日舉行，日連夜驚嚇體驗則於10月14日開始，想睇更多海洋公園哈囉喂2022嘅詳情，快啲Click入有關文章睇更多啦！
【INFO】
海洋公園哈囉喂全園祭2022
地址：香港香港島黃竹坑黃竹坑道180號
門票費用：成人$360、小童$216（另送$30電子消費劵）
景點組合門票費用：成人或小童$280起
日間體驗：2022年9月17日至10月31日（逢星期二及三除外，10月4日照常營業）
日連夜驚嚇體驗：10月14至16、21至23日、28至31日
相關文章：【海洋公園哈囉喂2022 五大刺激必玩景點！惡靈廢墟+鬼嬰娃娃】
2. 迪士尼惡人派對 – 惡「晒」出嚟 反轉迪士尼
迪士尼惡人派對要回歸啦！今個萬聖節大家又可以喺迪士尼見到一眾惡人，今次迪士尼仲推出萬聖節主題餐飲同商品，令大家更投入更享受萬聖節派對，反轉迪士尼！依家仲有「雙重暢玩優惠」以港幣$759入園2次 ！一票玩盡萬聖節加聖誕節，又驚又喜！想知道今年萬聖節惡人派對有咩新搞作，快啲Click入文章睇更多啦！
【INFO】
迪士尼 – 惡「晒」出嚟 反轉迪士尼
地址：新界大嶼山
相關文章：【迪士尼萬聖節2022 惡人派對回歸！主題打卡位+萬聖節限定商品】
3. 南豐紗廠 – 驚異海洋鬼怪的想像
南豐紗廠呈獻「驚異海洋鬼怪的想像」期間活動，同英國藝術單位Designs in Air合作創造深海世界，為南豐紗廠建築注入驚喜與活力！咁搶眼嘅藝術品喺來自兩位著名充氣雕塑藝術家Filthy Luker同Pedro Estrellas，巨型嘅「驚異觸鬚」作品其實喺想傳達保育理念，以創新角度將作品融入南豐紗廠每個角落！活動由即日起至10月31日，同大家一齊迎接萬聖節！
【INFO】
南豐紗廠 – 驚異海洋鬼怪的想像
地址：The Mills, 45 白田壩街荃灣
相關文章：【突發！怪物現身南豐紗廠！巨型充氣深海怪獸 一同迎接萬聖節】
4. 「盞鬼」愉景灣．玩轉萬聖節
今個萬聖節，愉景灣有新嘢玩！如果大家想搞搞新意思，過一個不一樣嘅萬聖節，可以入嚟愉景灣玩！呢度有5大活動等緊大家，除咗「愉景灣萬聖夜市集」、「鬼魅星空沙灘影院」、「萬聖節密室逃脫 x LOST」、最「盞鬼」造型有獎大賽、愉景灣溜冰場「嘩鬼霓虹冰上派對」同燈飾可以睇添！
另外，於2022年10月21日至31日期間，只要穿上「盞鬼」服飾，於愉景灣拍照並按指示上傳照片於愉景灣嘅Facebook或Instagram專頁，「盞鬼」造型勝出者可獲得密室逃脫體驗館 LOST、「星空沙灘影院」，或愉景灣溜冰場其中一款門票！大家仲等咩呀，快啲入嚟玩啦！
「盞鬼」萬聖夜市集
超過60個本地特色商戶，售賣各式各樣嘅萬聖節特色食品及手作！場內更設有「盞鬼變身彩繪」及「嘩鬼大派糖果」，夠晒萬聖節氣氛啊！
【INFO】 日期：2022年10月30日 (星期日) 萬聖夜市集：14:30 – 21:30 盞鬼變身彩繪：18:00 – 21:00 地點：愉景廣場 詳情：https://bit.ly/3VxVz0z
愉景灣鬼魅星空沙灘影院
睇電影唔一定嘆住冷氣，今個萬聖節，愉景灣將大白灣沙灘幻化成戶外星空影院，一連四晚有唔同嘅經典「盞鬼」電影可以欣賞！坐喺沙灘上吹住海風嘆住美食咁欣賞電影，真係另有一番風味啊！
【INFO】 日期：2022年10月27至30日 (星期四至日) 時間：18:00 – 22:30 地點：大白灣沙灘 詳情：https://bit.ly/3RVdQ4w
萬聖節密室逃脫 x LOST
萬聖節梗係要玩刺激嘅遊戲啦！密室逃脫體驗館LOST將於愉景灣增設期間限定店，推出萬聖節主題密室—「亡靈嘉年華」及「南瓜村之夜」，只有喺愉景灣先可以玩到㗎！想挑戰膽量，成功逃脫密室嘅朋友一定唔可以錯過！依家只要憑愉景廣場、愉景北商場及D’Deck嘅即日電子貨幣消費單據滿HK$100或以上，更可享門票9折優惠！
【INFO】 日期：2022年10月21日至31日 時間：11:00 – 19:00 地點：愉景廣場G11A-1鋪 票價：每個遊戲每位HK$120，大小同價，遊戲時間為20分鐘 詳情：https://bit.ly/3yylOdd
圖片來源：官方圖片
「盞鬼南瓜派對」燈飾
要有萬聖節氣氛，燈飾都唔可以缺少㗎！以「盞鬼」南瓜作主題的萬聖節燈飾，為愉景灣添上一分神秘感，鍾意打卡嘅朋友記得影相啦！
【INFO】 日期：2022年10月21日至31日 地點：愉景廣場及愉景北商場 詳情：https://bit.ly/3yylOdd
愉景灣溜冰場「嘩鬼霓虹冰上派對」
大人細路都啱玩嘅溜冰，呢度會化身成「嘩鬼霓虹冰上派對」，場內有專業彩繪師為大家畫面部彩繪，等大家可以盡情投入派對！入場人士仲可獲得Baxter水溶性乳霜 (100g) 一枝，先到先得，送完即止。
【INFO】 日期：2022年10月29日(星期六) 時間：18:30 - 22:00 地點：愉景灣溜冰場 門票費用：$100/位 詳情：https://bit.ly/3ERoKWv
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
