浪漫勝地！ 坪洋村白茅 草田 隱世秘景 猶如置身仙境般！

鍾意打卡影相嘅朋友留意喇～粉嶺 坪洋村白茅 田再次盛放，一大片白茫茫嘅雪白草原超震撼，猶如置身仙境般！如果想遠離塵囂，去人少少嘅地方感受大自然嘅世界同影靚相，坪洋村絕對啱晒你，大家記得把握花期去打卡啦！

圖片授權：IG@pinkywu20｜撰文：Sharon

每株白茅最長高度約80cm，通常生長喺平原河岸草地，係一種非常頑固嘅植物。每年春夏，粉嶺坪洋村嘅白茅田都會盛開，但由於花期不定，3月至5月大家都有機會見到佢哋嘅蹤影。當白茅盛開嘅時候，一大片白茅隨風飄逸，既浪漫又唯美！

一望無際嘅白茅田非常壯觀，隨手都可以影到唯美嘅照片，建議大家喺天清氣朗時分打卡，喺陽光反射下白茅田顯得更雪白、更美！喺白茅田打完，附近仲有一個彩虹壁畫村添，有興趣嘅朋友不妨安排一日郊遊～不過僅記打卡時要保持安靜同環境清潔，唔好影響到村民嘅生活！

【INFO】

坪洋村 – 白茅草田

地址：坪洋村

交通：粉嶺站乘搭專綫小巴52K號綫，步行約27分鐘便到達。