聖誕好去處2025 | 全港首個「Pucky聖誕奇幻森林」，將商場變成木系夢幻森林，配合浪漫光影交織，營造出童話般嘅氛圍，絕對係今個聖誕節必去！場內有全球首度亮相嘅3米高巨型豆子裝置同4米高森林樹屋打卡位，仲有香港首發嘅PUCKY商品，即刻入內文睇詳情喇！
圖片來源：官方圖片 | 撰文：Hedy
今年聖誕，德福廣場聯乘香港藝術家Pucky（畢奇）創作的小精靈，由即日起至2026年1月4日，呈獻全港首個「Pucky聖誕奇幻森林」！場內設有6大互動打卡位，當中包括全球首度亮相的3米高巨型豆子裝置及4米高森林樹屋打卡位，仲有特色展覽以及期間限定店等等。而德福廣場更會舉辦PUCKY簽名會，粉絲們絕對不容錯過～
聖誕好去處2025 | 6大打卡位
大家快啲嚟踏入PUCKY聖誕奇幻森林，展開精靈與豆子生物嘅夢幻旅程喇，當中有6大打卡位！喺踏入奇幻森林之前，即刻同等咗好耐嘅POKO探險家見面先。一入去奇幻森林就見到獨角獸豆子以及馴鹿豆子！當抵達奇幻森林嘅時候，就記得要同3米高巨型大耳怪獸豆子打卡，仲有4米高嘅樹屋坐落於森林深處，放出閃爍燈光，抬頭即見懸掛半空嘅星形燈飾，讓大家彷彿置身童話故事之中。離開奇幻森林前，唔好唔記得要同悄悄藏身樹上嘅豆子發光龍拍照留念啊～
聖誕好去處2025 | PUCKY期間限定店
限定周邊商品從擺設、小飾物、文具到生活用品，應有盡有，當中更有德福廣場限定嘅獨家商品！而中意PUCKY嘅朋友，德福廣場將於12月6日舉辦「PUCKY藝術家簽名會」，誠邀大小朋友一同參與。持有入場券嘅粉絲除咗可以喺簽名會與Pucky近距離交流外，PUCKY更會為參加者心愛嘅PUCKY個人珍藏品（必須為正版授權作品）添上親筆簽名，成為獨一無二嘅藝術珍藏品。MTR Mobile 登記用戶需先以1,000 MTR分換領預約籌號，並於活動當日出示於德福廣場Pucky 期間限定店嘅有效電子消費單據，即可換領入場券參加活動。名額有限。
【INFO】 《德福廣場「Pucky聖誕奇幻森林」》 日期：即日起至2026年1月4日 時間：11:00至21:00 地點：德福廣場一期地下中庭
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
